Ululahu Kings 12:13 - Buka Blahi Ka Cheke Holo

¹³ King ne tirogna fanomho ka nodi famane cheke goro mae biꞌo igre, ne cheke balu diꞌatagna ka naiknore,

Ululahu Kings 12:13 ပူးပေါင်းရင်းမြစ်များ

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Eklesiasti 10:12

Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Proveb 18:23

Mae te kuma na blaknoi cheke ka mae te dedei na mala toghoni. Nu mae te dedei na fnaja fabiꞌo ka mana.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.

Proveb 10:11

Cheke gna naikno te keli na, hata mei nakarha te keli. Nu cheke gna naikno te diꞌa na pophoru gaoghatho te diꞌa na mala goigonidi keha naiknore.

Fapea Samuel 19:43

Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Ululahu Samuel 20:10

Aonu mae Devet ne cheke eghu, “Jame diꞌatagna mana te raja ka iagho na, mae ihei nate fanomhi ghau iara na?”

Eksodas 10:28

Mae king ne cheke eghu ka mae Moses, “Ghema, jifla tei au delei! Iara theome magnahaghei teke filo nigho agne na. Jame teke pulo mei iagho agne na, iara ginau na falehe nigho!”

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Jenesis 42:30

nu kate tei ghehati Ijep na mae funei biꞌo gna Ijep na ne jateula te cheke ka mae te mala fasigho ra neu ne cheke fabiꞌo fara ka ghehati.

Jenesis 42:7

Mae Josep ne filodi mae thabusigna igre ne glanidi mare. Nu mana jateula te theome lasedi mare ra eghu kate cheke ka mare na, ne cheke eghu fabiꞌo ka mare, “Ghotilo neke mei funumi aheva?” Mare ne cheke eghu ka mana, “Ghehati mei funumi ka kantri Kenan. Ghehati magnahaghei mei foli gano.”

Jenesis 16:6

Nu mae Ebram ne cheke eghu ka Sarai, “Tutuani, Hega gne nou naikno gloku iagho ngala. Eghuteuna iagho tangomana te eni unha te magnahagheni iagho na.” Aonu Sarai ne theome glepo bligi ranghini Hega, eghuteuna Hega ne rikha.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Ululahu Kings 12:12

Ka fatilo narane na mae Jeroboam baludi mae ira neke pulo mei mala filoni mae Rehoboam leghuni unha teke chekeni mana ka mare na.

Ululahu Kings 12:14

ne leghuni nodi cheke goro mae majaghani re. Mana ne cheke eghu, “Kmagu iara na neke huhuru ghami ghotilo neke loku heta, nu iara ginauna nhaꞌa ari gloku biꞌo fara ke klignami ghotilo. Mana neke para ghami ghotilo, nu iara ginauna na thono para ghami ghotilo salaꞌui fara.”

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.