Ululahu Kings 12:10 - Buka Blahi Ka Cheke Holo

¹⁰ Eghuteuna mae majaghani igre ne cheke eghu ka mana, “Iagho cheke eghu ka naikno te cheke eghu ka iagho igre, ‘Kmamu iagho King Solomon ia neke huhuru ghami ghehati neke loku heta fara, nu jame te keli na iagho ke edi glepo te tahu fara igre ke roi bligi kakatha ka ghehati.’ Nu cheke te mala chekeni iagho ka mare na igne, ‘Kmagu iara na kaisei mae nheta, nu geghesugu iara te ikoi igne nheta salaꞌuni mana.

Ululahu Kings 12:10 ပူးပေါင်းရင်းမြစ်များ

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Proveb 10:14

Mae te autagna gaoghatho te keli na tathajini nogna glalase na mala biꞌo. Nu mae te fameomekro na toreni fabrahu puhi te diꞌa na.

Ululahu Kings 12:9

Mana ne ghusna eghu ka mare, “Ghotilo au keha gaoghatho te keli te mala togho ghau iara te mala leghuni iara na? Unha nate chekeni iara ka mae iheire te magnahaghei fabluse ranghidi iara gloku na teu igre?”

Ululahu Kings 12:11

Mana neke huhuru ghami ghotilo mala loku heta, nu iara ginauna nhaꞌa ari gloku biꞌo fara ke klignami ghotilo salaꞌuni unha teke eni mana ka ghotilo na. Mana neke para ghami ghotilo, nu iara ginauna na thono para ghami ghotilo fara.’ ”