Ululahu Kings 11:9 - Buka Blahi Ka Cheke Holo

^9-10 Lord, nodi God naikno di Israel igne, neke phei fata meihi ka mae Solomon, eghuteuna mana neke cheke faheta ka mana mala thosei pogho soru ka keha god delei. Nu mae Solomon ne theome leghuni cheke igne ne figri tagruni Lord. Aonu Lord ne thono diꞌatagna fara ka mana.

Ululahu Kings 11:9 ပူးပေါင်းရင်းမြစ်များ

Ululahu Kings 9:2

Aonu Lord neke fapea thakle ka mana jateula teke eni ka mana Gibeon tifa ia neu.

Ululahu Kings 3:5

Ka bongi igne mae Solomon ne thuru Gibeon, eghuteuna Lord ne mei ka mana ka kaisei mifi. Eghuteuna God ne cheke eghu ka mana, “Iagho tangomana te tore ka iara unha te magnahagheni iagho na, eghuteuna iara ginauna tusu ari ka iagho.”

Fapea Samuel 6:7

Lord ne diꞌatagna fara ka mae Usa, naugna mana theo kaisei nogna nolaghi te mala loku ka Bokis Blahi igne. Aonu mae Usa lehe ne khoko soru pari rhegna Bokis Blahi na.

Diutronomi 9:20

Eghuteuna Lord jaola neke diꞌatagna fara ka mae Eron, jateula mana te tarabana teu te mala aknu faleheni ra neu. Nu iara ne taraini mae Eron, aonu mana neke theome faleheni mana.

Diutronomi 9:8

Jare Thogele Sanai, ghotilo neke faꞌeiꞌei neke diꞌatagna fara Lord, eghuteuna diꞌatagna mana igne namo falehe ghami ghotilo.

Diutronomi 7:4

Jame te eni ghotilo igne na, mare ginauna tangomana te figri gaoghathodi thumi ghotilo re mala theome leghuni Lord nu tei leghudi keha god delei. Jame te eni mare igne na, Lord ginauna diꞌatagna fara ka ghotilo, eghuteuna mana ginauna ghosei goigoni ghami ghotilo.

Diutronomi 3:26

“Nu Lord neke diꞌatagna fara ka iara eidi puhimi ghotilo re neke tirogna fanomho ka iara. Mana neke cheke eghu, ‘Moses! Iagho au kmu! Iagho thosei chekeni kaisei cheke eigna glepo igne!

Naba 12:9

Lord ne thono diꞌatagna fara ka repa, ne jifla kokodi repa,

Eksodas 4:14

Lord ne diꞌatagna fara ka Moses, ne cheke eghu ka mana, “Thabusimu Eron, mae ka vikegna Livae, mana kaisei mae keli mala cheke, mana ginauna mala togho nigho iagho. Gognarona mana mei mala thafo nigho iagho, eghuteuna mana ginauna na kelitagna te filo nigho iagho na.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Profet Hosia 4:11

Lord ne cheke eghu, “Nafnata puhi te koꞌu te thaviru ghotilo ka waen te tiatifa, nei majaghani teu igne te fanolidi ghotilo phaꞌumire. Naugna ka puhi igne te edi ghotilo puhi te thono diꞌa fara igre.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Ululahu Kronikols 21:7

Nu Lord ne theome gleꞌani nogna cheke mae Devet te mala kahadi naiknodi Israel igne, aonu mana ne paradi naiknodi Israel.

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Ululahu Kings 11:8

Eghuteuna mana neke edi soasopai nodi vido blahi maladi khetogna te mei funudi ka keha kantri delei, mala tangomana rehati te gahu insens nei fafara teu ka nodi god re.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.