Ululahu Kings 11:7 - Buka Blahi Ka Cheke Holo

⁷ Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Ululahu Kings 11:7 ပူးပေါင်းရင်းမြစ်များ

Naba 21:29

Kokhoni ghami fara naiknomi Moab ra! Mare la goigoni ghami ghotilo iheire naikno te maimanihini god Kemos ra. Nomi god ghotilo na ne snakredi thumi nalhaꞌu ghotilo re mala au tafri kolho. Eghuteuna mana jaola ne snakreni mae King Sihon gna Amoa na mala hata thumi gaꞌase ghotilo re.

Jajis 11:24

Kemos gne nomi god ghotilo na, eghuteuna jame hata mana keha glose te tusu ari ka ghotilo na, uve ghotilo tangomana te khotodi re. Eghuteuna jateula tuana eghu, Lord na nomi God ghehati, eghuteuna kate hata kasa mana glose igne te tusu mei ka ghehati na, uve, ghehati te khotogna na.

Mae Khuru 7:43

Nu ghotilo mala pala tei koba balumi suga tapuale te mala pogho soruni god Molok gne nei thotoghale gna u nathunu god Rifan teke hohoro themi are. Tuare god chaichaghi te pogho sorudi koba ghotilo re. Naugna igne, iara ginauna na kuru tei ghami ghotilo kate khaba fara,’ sala'uni Babilon.

Mae Khuru 1:12

Aonu ke leghugna igne, mae khurure ne tei kokoni thogele te kiloi Thogele Gaju Olivi na neke pulo Jerusalem. Ka vido tuana theome thei brahu, nabagna kaisei kilomita kolho.

Mae Khuru 1:9

Ke leghugna te gnafa facheke mana igne, God ne hata hagheni mana kligna kate filo teu mare na. Aonu kaisei khoveo mei ne toku tafruni mana kau tathadi hatimare nogna mae khurure.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Profet Sekaraea 14:4

Ka narane tuana, mana ginauna kegra kligna ka Thogele Gaju Olivi ke kosi Jerusalem ke maghati, eghuteuna thogele igne ginauna fnota farihotei. Kaisei vido na ginauna thugha tei ke raru, eghuteuna keha vido na thugha tei ke mata, eghuteuna glogu biꞌo ginauna au farihotei, funu maghati tei posa ke mosu.

Profet Daniel 12:11

“Funu ka narane te lhotidi mae naoka gre nogna naikno God gre te fafara leghu narane na, eghuteuna mare nhaꞌa haghe kaisei glepo te thono diꞌa fara ka sugagna God na, eghuteuna ginauna thokeni kaisei thogha phia gobi nheva salei narane ame thoke mei nga narane leghu lahu na.

Profet Daniel 11:31

“Nogna soldia manare ginauna ruma ka nogna Sugablahi God na, eghuteuna Sugablahi igne ginauna thona ka tathagna God na. Mare ginauna na theome snakredi naiknore te mala fafara leuleghu narane na, eghuteuna mare ginauna lilisei haghe kaisei glepo te thono diꞌa fara ke lamnagna nogna suga God na.

Profet Esikiel 18:12

Mana goigonidi koba naikno te kuma re eghuteuna mana blau koba. Eghuteuna mae igne loku fapulo koba glepo teke lilisei ka mana mae kheragna fofodu na, mala eni ghu mana kaisei nogna glepo teku na. Kate hata fapulo mae igne unha teke nogna re, mana theome tangomana teke tusu fapulo unha mae igne teke lisei soru teku ka mana na. Mana tei koba ka nodi vido mala tarai mae bongihehe ke kligna thogele, eghuteuna mana tarai koba ka mumuju te thono diꞌa fara.

Profet Jeremaea 48:13

Mare ginauna mamaja nodi fara eigna nodi god Kemos na, jateula maedi Israel teke mamaja nodi fara eigna nodi god naiknodi Betel te theome tutuani teke fatutuani ni fara mare ra eghu.

Profet Isaia 44:19

Ihei te sari mumuju god igne, theome au kaisei gaoghatho te keli te mala cheke eghu na, “Tore, keha vidogna gaju igne iara neke gahu ka khaꞌaghi. Iara jaola gahu nafnahi nei keha ghegu nafnata gano eghu ka khaꞌaghi igne. Keha vido te salaꞌui ka gaju igne, iara neke sari kaisei mumuju te diꞌa kolho. Iara tarai ka phugra gaju te theo nafugna igne kolho!”

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Fapea Samuel 15:30

Eghuteuna mae king ne thofno diꞌanagnafa gna fara. Aonu mana ne hata koko nogna sadol na ne toku tafru phaꞌu gna na. Mana tanhi fabiꞌo ne haghe ka Thogele Gaju Olivi. Eghuteuna naikno te gnafa te tei balugna mana igre jaola ne toku tafru phaꞌudire balu tanhi.

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 13:14

Puhi igne thono diꞌa fara. Eghume jame te nomhini ghotilo kaisei cheke jateula igne teuna, ghotilo ginauna ghusnani nei hironi eghu gaoghathogna cheke igne, te tutuani ba theo. Jame te tutuani unha teke chekeni mana igne na,

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Levitikas 26:30

Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.

Jenesis 33:2

Mana ne lilisei phei gaꞌase glokure baludi thudire ului. Lea baludi thugnare ke leghu, eghuteuna Resel balugna mae Josep leghu lahu.

Ululahu Kings 11:5

Mana ne pogho soruni god gaꞌase Astarot, nodi god naiknodi Saedon. Mana jaola pogho soruni Milkom. Nodi god naiknodi Amon igne thono diꞌa fara.

Ululahu Kings 11:6

Ka puhi igne, mae Solomon ne tapla jafra ranghini Lord, eghuteuna mana theome leghuni chekegna Lord. Mana theome jateula puhigna mae Devet mae kmagna na teke thofno leghuni Lord teuna.

Ululahu Kings 11:8

Eghuteuna mana neke edi soasopai nodi vido blahi maladi khetogna te mei funudi ka keha kantri delei, mala tangomana rehati te gahu insens nei fafara teu ka nodi god re.

Ululahu Kings 15:12

Mana neke koko mumuju god teke sari kuꞌedi nei kmadi teku mare tifa ra. Eghuteuna mana ne khi fajifladi nalhaꞌu nei gaꞌase eghu te eni puhi te diꞌa na ka vido te blahi re, mala jifla mare Juda.

Fapea Kronikols 21:11

Mana horo vido blahi ke kligna thogele te au ka kantri Juda mala tarai ka mumuju, eghuteuna mana batudi keha naiknodi Jerusalem nei Juda eghu mala lisa kokoni puhi te doglo na.

Profet Jeremaea 32:31

Kani teke funu eni gna mae kuꞌedi mae igre namono igne tifa na, iara neke diꞌatagu fara. Naugna igne te goigoni ni iara namono igne mala theome filoni iara.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Profet Jeremaea 48:46

Kokhoni ghami fara ghotilo naikno te au Moab ra! Mare goigoni ghami fara ghotilo iheire te tarai ka mumuju god Kemos. Naoka ginauna huhurudi thumi nalhaꞌu nei thumi gaꞌase teu ghotilore mala jifla ka kantri igne mala tei au ka keha kantri delei te khaba fara.

Profet Maeka 1:5

Glepo igre ginauna thoke mei, naugna ghotilo naiknomi Israel te gnafa igre tapla jafra fabrahu ka nakhibo, nei figri tagruni God. Ghotilo naiknomi Israel! Ghotilo figri tagruni fabrahuni mana, nu ihei teke batu ghami ghotilo teke tei ka vido te diꞌa igne na? Naiknodi Samaria kolho. Eghuteuna ghotilo naiknomi Juda! Ghotilo tarai koba ka mumuju god, nu ihei teke batu ghami ghotilo te mala edi glepo te diꞌa igre? Naiknodi Jerusalem kolho.