Ululahu Kings 11:4 - Buka Blahi Ka Cheke Holo

⁴ Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Ululahu Kings 11:4 ပူးပေါင်းရင်းမြစ်များ

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Ululahu Kings 8:61

Nu ghotilo mala thofno ghatho tahuni Lord noda God. Ghotilo mala thofno ghatho tahudi mala leghudi nogna vetula nei nogna cheke teu mana re, jateula te edi ghotilo gognaro igre eghu.”

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Kings 11:6

Ka puhi igne, mae Solomon ne tapla jafra ranghini Lord, eghuteuna mana theome leghuni chekegna Lord. Mana theome jateula puhigna mae Devet mae kmagna na teke thofno leghuni Lord teuna.

Fapea Kronikols 34:2

King igne mana edi glepo te doglo re ka tathagna Lord, eghuteuna mana leghudi koba nogna baubatu te keli teke edi kuꞌegna King Devet tifa ra, nei edi fabrahu kolho unha glepo te doglo.

Fapea Kronikols 17:3

Lord ne au balugna Jehosafat, naugna mana ne jateula kuꞌegna King Devet tifa ia neu ne leghuni fabrahu puhi te keli na. Mana neke theome toreni god Baal igne mala toghoni,

Ululahu Kings 11:2

Nu gaꞌase igre thaudi ka kantri delei, eghuteuna Lord na theome magnahaghedi maedi Israel te tolaghi ka nafnata gaꞌase igre. Tifa na Lord neke cheke eghu, “Ghotilo maemi Israel ra thosei tolaghi ka naikno bongihehe are, naugna mare ginauna figridi nagnafami ghotilo are mala tarai ka nodi god thedi re.” Nu mae Solomon ne theome fanomho ne namhadi fara khetogna re.

Diutronomi 17:17

Eghuteuna king igne theome mala hata kmana khetogna, naugna jame te hata kmana khetogna mana na, goro gaꞌase igre ginauna figri gaoghathogna mana na, eghuteuna mana ginauna na theome ghatho tahuni Lord. Eghuteuna mana theome mala dedei ka silva nei gol.

Fapea Kronikols 25:2

King igne mana edi unha te doglo ka tathagna Lord, nu mana theome edi ka nagnafa gna fateote'o.

Ululahu Kronikols 29:19

Tusu lao famane gaoghatho te keli sagho ka thugu iara Solomon, mala thofno leghudi nei faꞌuvedi eghu mana nou cheke iagho re. Toghoni mana sagho mala horo mana Sugablahi igne naugna iara neke kulu tarabana neku glepo te mala loku fahuigna na.”

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Kings 15:14

Neuba mana ne theome paꞌe soru nodi vido blahi keha god re, nu ka nagnafagna na mana thofno ghatho tahuni fabrahu Lord ka nakarhagna na.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.

Ululahu Kings 14:21

Ka narane igre, Rehoboam thugna mae Solomon, mana neke king gna Juda kate phiatutu kaisei finogha na. Mana neke funei Jerusalem nabagna nabotho fitu finogha ka namono aheva teke vavahi Lord ka vike te gnafa Israel. Mana neke vahini namono igne mala pogho soruni nanghagna na jare. Idogna king na, nanghagna na, Nama, ka vikegna mae Amon.

Ululahu Kings 11:42

Mae Solomon neke king Jerusalem nei Israel nabagna phiatutu finogha.

Ululahu Kings 11:38

Jame te thofno leghu fakelidi iagho gobigna lepo te chekedi iara igre na, iagho ginauna na jaola edi gobigna lepo te doglo ka tathagu iara na, eghuteuna jame te leghudi iagho nogu vetula nei nogu cheke teu iara igre jateula teke edi King Devet tifa ra teuna, iara ginauna au fabrahu balumu iagho. Eghuteuna iara ginauna vahidi keha mae ka vikemu iagho gne mala king gna Israel fabrahu jateula teke eni iara ka King Devet tifa ia eghu.

Ululahu Kings 9:10

Kate gnafadi varadaki finogha igre, King Solomon ne babana phei suga biꞌo, nogna Sugablahi Lord nei nogna suga thegna.

Ululahu Kings 6:1

Fati gobi nhanasalei finogha ke leghugna te jifla Ijep naiknodi Israel, eghuteuna ka fafati finogha King Solomon te funei fruni Israel, eghuteuna ka nhigra Sif te fapea nhigra gna finogha na, King Solomon ne funu loku ka nogna Sugablahi Lord.

Diutronomi 7:4

Jame te eni ghotilo igne na, mare ginauna tangomana te figri gaoghathodi thumi ghotilo re mala theome leghuni Lord nu tei leghudi keha god delei. Jame te eni mare igne na, Lord ginauna diꞌatagna fara ka ghotilo, eghuteuna mana ginauna ghosei goigoni ghami ghotilo.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Ululahu Kings 11:9

Lord, nodi God naikno di Israel igne, neke phei fata meihi ka mae Solomon, eghuteuna mana neke cheke faheta ka mana mala thosei pogho soru ka keha god delei. Nu mae Solomon ne theome leghuni cheke igne ne figri tagruni Lord. Aonu Lord ne thono diꞌatagna fara ka mana.

Eksodas 20:3

“Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.