Ululahu Kings 11:3 - Buka Blahi Ka Cheke Holo

³ Mana ne tolaghi ka fitu gobi gaꞌase, gaꞌase igre thudi hatimare mae king, eghuteuna mana jaola au thilo gobi khetogna te loku ranghini mana. Eghuteuna gaꞌase igre hata fadelei gaoghathogna mana na mala figri tagruni Lord.

Ululahu Kings 11:3 ပူးပေါင်းရင်းမြစ်များ

Eklesiasti 7:28

Iara loku heta mala hirodi cheke tughudi re, nu iara ne theome tangomana te filodire. Kaisei mae te doglo kolho te filoni iara ka kaisei thogha naikno igre, nu iara theome filoni kaisei gaꞌase te doglo kate kmana igre.

Fapea Kronikols 11:21

Mae Rehoboam au nabotho nhana khetogna, eghuteuna mana jaola au namno salei fapea khetogna langau eghu balugna. Nu mana namhani fara Maka salaꞌudi keha khetogna nei nogna gaꞌase teure. Eghuteuna mana au varadaki nhanai thugna nalhaꞌu nei namno salei thugna gaꞌase.

Jajis 9:5

Abimelek ne tei ka nogna namono kmagna na Ofra. Eghuteuna ke kligna gna kaisei thina jare, mana ne aknu falehe fitusalei thabusigna mana, thugna mae Jerub-Baal. Ka narane tuana, Jotam thugna leghu lahu Jerub-Baal kolho te theome lehe na naugna mana ne poru.

Diutronomi 17:17

Eghuteuna king igne theome mala hata kmana khetogna, naugna jame te hata kmana khetogna mana na, goro gaꞌase igre ginauna figri gaoghathogna mana na, eghuteuna mana ginauna na theome ghatho tahuni Lord. Eghuteuna mana theome mala dedei ka silva nei gol.

Famane Khoje 6:8

Neuba iagho ne au baludi namno salei kuin nei nhana salei fapea khetogna king, baludi kmana gaꞌase majaghani te theome tangomana kaisei naikno te kahadi re.

Famane Khoje 6:9

Nu iagho themu kolho iagho famane jateula kaisei balhu, eghuteuna iara magnahaghei nigho iagho fara. Idomu na namha nigho iagho fara salaꞌudi keha thugna naꞌare. Kate filo mei gaꞌase te gnafa igre ka iagho, reꞌe na cheke fakeli nigho. Uve, kate filo mei ka iagho kuin te gnafa nei keha khetogna king te gnafa teu igre ka iagho na, reꞌe na cheke fakeli nigho iagho.

Jajis 3:6

Eghuteuna naiknodi Israel igre snakredi thudire mala tolaghi ka vike igre. Aonu naiknodi Israel igre ne tarai nodi god chaichaghi mare igre.

Nogna Buka Esta 1:18

Gognarogne khetodi mae biꞌodi Pesia ghe Media igre la nomhini eigna unha te eni Kuin igne. Eghume rehati ginauna cheke jateula tuana eghu ka khetodire, eghuteuna tahati ginauna diꞌatada fabrahu ka rehati.

Eklesiasti 2:8

Iara neke hata nodi silva nei gol, nei dedei ka hatimare mae king nei ka provins te gnafa te funei frunidi iara igre. Iara au nogu gaꞌase nei nalhaꞌu eghu te mala koje ranghi ghau te mala glealeꞌa na. Eghuteuna iara jaola au kmana gaꞌase mala glealeꞌa nogu jateula te edi keha mae are eghu.