Ululahu Kings 11:26 - Buka Blahi Ka Cheke Holo

²⁶ Eghuteuna kaisei nogna ofisa King Solomon, mana jaola ne naoka ranghini mae Solomon. Mae igne nanghagna na mae Jeroboam, thugna mae Nebat maegna Sereda, vikegna mae Efrem, eghuteuna idogna na Serua, kaisei thau glehe kokoi.

Ululahu Kings 11:26 ပူးပေါင်းရင်းမြစ်များ

Fapea Kronikols 13:6

Tifa na mae Jeroboam thugna mae Nebat igne neke nogna mae gloku King Solomon kolho. Nu mana neke patugama neke majorani nogna king na.

Ululahu Kings 12:2

Kate nomhini mae Jeroboam thugna mae Nebat thoutonu eigna King Rehoboam igne, mana ne theome jifla Ijep. Naugna mana rikhani King Solomon neke tei au jare.

Ululahu Kings 11:28

Ka narane igre, mae Jeroboam gne kaisei famane mae majaghani, nei kaisei mae lase loku eghu. Eghuteuna kate filoni King Solomon igne, mana ne vahini mae Jeroboam mala nodi mae funei hatimare mae gloku ka vikedi mae Manase ghe mae Efrem.

Ululahu Kings 11:11

God ne cheke eghu ka mae Solomon, “Gaoghatho te diꞌa te au ka iagho igne, te theome leghudi iagho noda nhaꞌa cheke tapa ra, nei theome leghudi nogu cheke iara ra teuna. Eghume iara ginauna na hata fadelei ka iagho nogna nolaghi vikemu iagho te mala king gna Israel na, eghuteuna iara ginauna tusu lao nolaghi igne ka kaisei nou mae biꞌo iagho.

Fapea Samuel 20:21

Theome tuana te magnahagheni iara na. Nu ghehati mei mala hata kaisei mae nanghagna na, mae Seba thugna mae Bikri. Mae igne maegna Efrem ka vido te kmana thogele. Mae igne magnahaghei te tapla faparini King Devet. Jame hata te mei ghotilo mae igne ka ghehati na, ghehati ginauna jifla ka nomi namono ghotilo igne.” Aonu naikno biꞌo igne ne cheke eghu, “Ghotilo ofou jare! Ghehati ginauna koko fakosi phaꞌu gna mae tuana ka ghotilo.”

Ululahu Samuel 1:1

Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.

Ululahu Kronikols 2:19

Kate lehe Asuba na, mae Kaleb neke tolaghi ka Efrat, eghuteuna repa ne au kaisei thudi nalhaꞌu, nanghagna na mae Hua.

Ululahu Kings 21:22

Iagho thono fakabruni fara nagnafagu iara na, eghuteuna iagho jaola batudi naikno di Israel ka nakhibo. Eghume, vikemu iagho gre ginauna lehe jateula vikegna King Jeroboam, thugna mae Nebat ia eghu. Eghuteuna vikemu iagho igre ginauna dofidi jateula vikegna King Basa, thugna mae Ahaeja ia eghu.’

Ululahu Kings 16:3

Eghume, iara ginauna goigoni nigho iagho baludi naikno te gnafa ka thabuknamu iagho igre. Iara ginauna goigoni ghami ghotilo jateula teke eni iara ka mae Jeroboam tifa ia eghu.

Ululahu Kings 15:30

Glepo igne neke thoke mei ka tharaknagna King Jeroboam, naugna Lord God gna Israel igne neke diꞌatagna fara ka King Jeroboam ka nakhibo nei ka puhi te batudi mana naiknodi Israel ka nakhibo.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Kings 9:22

Nu mae Solomon neke theome nhaꞌa lao gloku jateula sneka eghu ka naiknodi Israel, mare loku jateula nogna soldia, ofisa, komanda gna armi, mae biꞌo ka gavman, nei mae kapten ka chariot nei mae kapten te saghe ka hose.

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Jenesis 35:16

Mae Jekop balugna nogna vike na jifla Betel ne tei au ka namono Efrata. Kate khaba nga teu mare ka namono na Resel ne namo au sua ne funu kabru.

Ululahu Kings 11:25

Aonu leuleghu fata ka nakarhagna King Solomon igre, King Reson gne kaisei nogna naoka mana. Eghume King Hadad maegna Idom igne mana eꞌei puhi ranghini Israel, eghuteuna King Reson maegna Siria igne jaola naoka ranghini Israel.

Jajis 12:5

Armigna Gilead igne jaola ne lilisei mae mala reireghi ka vido te gnafa aheva soldiadi Efrem tangomana te tei kasa ka Khoꞌu biꞌo Jordan teke pulo ka nodi namono re. Kate filoni kaisei mae ka vikegna Efrem mei te tore mala kasa ka khoꞌu na teuna, mae greireghi igre ginauna ghusna eghu, “Iagho vikegna Efrem?” Eghuteuna jame te cheke eghu mana na, “Theo,”

Fapea Kronikols 9:29

Keha glepo teke edi King Solomon funu ka narane te funei fruni mana te mei posa ka narane leghu lahu na, mare rioriso sukha ka thilo buka te kilodi, nogna Grioriso Profet Natan, nei nogna Cheke Profet Ahaeja maegna Saelo, nei nogna Mifi Profet Ido eigna King Jeroboam thugna mae Nebat.