Ululahu Kings 11:18 - Buka Blahi Ka Cheke Holo

¹⁸ Mare jifla ka nohi Midian ne tei ka namono nagou Paran, eghuteuna keha maedi Paran jaola ne toghodi mare. Aonu mare jifla ne tei Ijep mala tei filoni king gna Ijep. King ne snakre lao keha vido glose nei kaisei suga biꞌo neu ka mae Hadad, eghuteuna mana jaola ne toghoni mana ka gano na leghu narane.

Ululahu Kings 11:18 ပူးပေါင်းရင်းမြစ်များ

Naba 10:12

eghuteuna naikno Israel re ne funu jifla kokoni namono nagou Sanai na. Gromno igne mei ne snoto jare Paran.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Diutronomi 1:1

Buka igne au cheke teke cheke mae Moses ka naiknodi Israel ka teke au teu mare ka namono nagou Moab, ka glogu Khoꞌu biꞌo Jordan, rhegna namono Suf nei fari hoteidi namono Paran, Tofel, Laban, Haserot, nei Disahab. Tifa na mare neke posa ka nohi Moab, mae Moses neke uluni King Sihon kokhologna mae Amoa jare Hesbon, eghuteuna neke uluni King Og maegna Besan nei phei nogna namono mana Astarot ghe Edrei. Ihei te jifla ka Thogele Horeb, keha nanghagna na Thogele Sanai, tei posa Kades Banea, mana tangomana te nolo nabagna nabotho kaisei narane. Neuba, mae Moses ne chekeni cheke igne ke leghudi phiatutu finogha teke jifla mare Ijep igre. Ka narane ulu lahugna fabotho kaisei nhigragna finogha tuana, eghuteuna mare aunga neku ka nohi Moab ke maghati ka keha Khoꞌu biꞌo Jordan, mae Moses neke cheke eigna vetula nogna nhaꞌa cheke Lord.

Profet Habaku 3:3

God te Blahi, iagho neke jifla mei funu ka namono nagou Idom, nei ka thogele Paran. Nou nolaghi iagho na jateula naprai eghu thafru ka vido te gnafa ka maloa kligna. Eghuteuna naikno te gnafa ka nauthoglu igne filoni nou nolaghi biꞌo iagho igne ne cheke fakeli nigho.

Naba 25:18

naugna mare ne chaghi ghami ghotilo ne maimanihini god Baal, nei jaola chaghi ghami ghotilo ka gaꞌase Kosbi teke falehe mae pris ka narane teke thoke ghami khabru ghotilo jare Peo ia.”

Naba 25:14

Nanghagna mae teke lehe balugna gaꞌase gna Midian ia, mae Simri, thugna mae Salu, kaisei mae biꞌo ka vikegna mae Simion.

Naba 25:6

Aonu mae Moses baludi naiknodi Israel re ne kegra ke ulugna Suga Thapuale te blahi na ne loku ka tanhi na. Ka vido tuana, kaisei mae ne tathalei ne mei gaꞌase ka vikedi mae Midian re ka nogna suga thapuale thegna na, nu naikno te gnafare ne kafe filoni mana.

Naba 22:4

Aonu naiknodi Moab gre ne cheke eghu ka mae lidadi Midian re, “Tore, naikno igre thono kmana fara, eghuteuna theome raugha mare ginauna goigoni noda namono tahati gre, jateula buluka te ghamu fahui buburu ra eghu.” Eghume mae Balak mae ihei te king teu Moab ka vido tuana,

Jenesis 25:4

Eghuteuna nanghadi teke thugna nalhaꞌu mae Midian re igre. Mae Efa, mae Efe, mae Hanok, mae Abida nei mae Elda. Mae te gnafa igre neke vikegna ngala Ketura.

Jenesis 25:2

Mae igre nanghadi teke karha ka Ketura re, Simran, Joksan, Medan, Midian, Isbak nei Sua.

Jenesis 21:21

Kate au teu mana ka namono nagou Paran gne, idogna mana na ne tei hata kaisei khetogna mana ka namono Ijep.

Ululahu Kings 11:17

Nu mae Hadad gne kaisei mae sitei thugna king gna Idom, ka narane tuana mana neke rikha baludi keha nogna mae biꞌo kmagna mana re. Mare rikha ne tei Ijep.

Ululahu Kings 11:19

King gna Ijep gne thono magnahagheni fara mae Hadad, aonu mana ne snakreni greghagna Kuin Tapanes na mala tolaghi ka mae Hadad.

Eksodas 2:15

Kate nomhini king eigna igne, mana fariuriu mala aknu faleheni mae Moses, nu mae Moses rikha ne tei ka nohi Midian. Kaisei fata, kate gnokro teu Moses rhegna kaisei seu na,