Ululahu Kings 10:25 - Buka Blahi Ka Cheke Holo

²⁵ Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Ululahu Kings 10:25 ပူးပေါင်းရင်းမြစ်များ

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Profet Esikiel 27:14

“ ‘Maedi ka kantri Bet-Togama ei bisnis balumu iagho, naugna mare foli nou famane glepo iagho re ka hose mala loku, nei hose mala magra, nei dongki mala luja glepo.

Profet Isaia 66:20

Mae igre ginauna atha mei kherami ghotilo te au ka keha kantri are mala mei ka nogu Thogele Blahi iara Jerusalem, mala snakre mei naikno igre ka iara Lord jateula kaisei fafara eghu. Mare ginauna atha mei naikno igre ka hose, ka dongki, ka kamel nei ka chariot. Mare atha mei kherami ghotilo igre mala nogu iara. Ghotilo mala jateula te thofno naiknomi Israel te atha te mei ka kharaꞌo gano te gae ka tathagu iara na te mala mei tufa ka iara ka Sugablahi ia eghu.

Profet Isaia 36:16

“Ghotilo thosei fanomho ka mae Hesekaea! Igne unha te chekeni king biꞌogna Asiria na: Ghotilo jifla mei mala nhaꞌa cheke tahati mala thosei magra. Jame te eni ghotilo igne na, ghotilo te gnafa na ginauna na au fakeli. Ghotilo ginauna tangomana te ghamu ghemi sisi grep nei fig eghu teke joꞌu ghotilo ka nagare ra, eghuteuna ghotilo ginauna nake koꞌu ka khoꞌu te keli.

Nodi Khoje Hatimare Mae Jiu 72:15

God, tusu lao fabrahu nakarha te keli ka mae king. Te keli na jame naiknodi Arebia gre ginauna atha mei gol ka mana. Te keli na jame naiknore mala tarai fabrahu ka mana, iagho fablahi mae king fabrahu.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Thoutonu Eigna Mae Job 42:11

Aonu thabusigna te gnafa, greghagna te gnafa, nei iheire te gnafa teke laseni mana tifa igre mei ne sighoni mana. Eghuteuna mare ne eni kaisei gaghamu biꞌo ka sugagna mana na. Mare kokhoni nognani ne fameomegoni mala ke rheta fapulo mana gaoghathogna na eidi puhi biꞌo teke eni Lord teke thokeni mana. Eghuteuna mare te gnafa na ne kafe tusu lao kaisei silva sileni nei kaisei ring gol eghu ka mana.

Nogna Buka Esta 8:14

Aonu mae te mala hata nonomho igre saghe ka nogna hose King igne ne ghosei hata ne tei nonomho igne. Eghuteuna cheke igre jaola ne tei tongana ka namono biꞌo Susa.

Nogna Buka Esta 8:10

Mae Modikae ne cheke ranghidi hatimare mae sekretri mala rioriso ka nanghagna mae King Sekses, eghuteuna lilisei fagaglana gna king. Mana ne fatei nogna cheke King igre ka mae mala hata nonomho igre tei ka hose, hose te oho mare malagna King mala ghosei tei ka namono te gnafare.

Esra 2:66

Mare jaola hata mei baludi keha glepo tautagu, khaputudi glepo igre na: hose: 736 mule: 245

Fapea Kronikols 26:8

Naiknodi Amon hata mei sileni nei keha glepo eghu mala foli takis ka Iusaea. Ka narane igre mana neke kegra heta fara. Eghuteuna thoutonu eigna nafnakno gna mana na ne tei tongana ka namono te gnafa re ne ghilei tei posa Ijep.

Fapea Kronikols 9:24

Leuleghu finogha na mare te gnafa na hata mei namha ka mana, silva, gol, pohe, glepo mala magra, glepo mala ei insens, hose nei dongki.

Fapea Kings 17:4

Nu ke leghu na, mae Hosea neke kurudi keha mae neke tei filoni King So gna Ijep mala mei toghoni. Ke leghu mae Hosea neke theome foli takis ka king gna Asiria. Nu kate laseni King Salmanesa glepo igne, mana ne kurudi keha mae mala mei lokini mae King Hosea ne nhaꞌa laoni mana ka sosolo.

Ululahu Kings 18:5

Aonu, mae Ehab ne cheke eghu ka mae Obadaea, “Tapa mala tei filo ka glogu te ikodi nei ka glokha khoꞌu teu te au tafri ka noda vido theda ra. Glahula tapa tangomana te filodi keha buburu ka vido tura maladi nogu hose nei dongki teu iara igre, glahu lehe reꞌe.”

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Ululahu Kings 1:33

mana ne cheke eghu ka mare, “Ghotilo hata keha mae biꞌo mala reireghini mana, eghuteuna ghotilo cheke ka thugu iara Solomon mala gnokro ka nogu dongki iara na. Eghuteuna ghotilo hatani mana soru ka glokha khoꞌu Gihon.

Fapea Samuel 8:10

Mana thofno kelitagna fara ne kuruni Joram mae thugna na ne tei cheke fakelini King Devet. Naugna Toi kmana fatahi te magra balugna King Hadadesa. Ka narane igne mae Joram hata ne mei keha namha ka mae Devet, gol, silva nei bras.

Fapea Samuel 8:2

Mana jaola ne tei goigonidi mae Moab, eghuteuna mana ne fathuru sorudi pari ka glose na ne fananaba gnarho mala laseni mae ihei nate lehe ka mare na. Ihei te mei naba kaisei nei phei teuna mala lehe. Nu ihei te mei fatilo na, mae tuana te mala karha. Aonu naiknodi Moab igre ne au ke parigna mana ne foli takis ka mana.

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Jajis 3:15

Nu kate tanhi mare ka Lord te mala toghodi na, Lord ne vahini Ehud thugna Gera ka vikegna Benjamin mala fakharhidi. Mae igne loku ka khame maeri. Naiknodi Israel igre ne lisei takis ka khamegna mana mala fatei ka King Eglon.

Jenesis 36:24

Nanghadi teke phei thugna nalhaꞌu mae Sibeon re neke mae Aia ghe mae Ana. Mae Ana gne ngala teke filo deni glokha khoꞌu te brana na kani teke reireghidi teku mana nogna dongki mae kmagna ra.

Nodi Khoje Hatimare Mae Jiu 68:29

Nolaghi igne jifla mei ka iagho ka sugamu Jerusalem, ka vido aheva hatimare mae king te hata mei namha ka iagho.

Ululahu Kings 5:1

King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.