Ululahu Kings 10:2 - Buka Blahi Ka Cheke Holo

² Naꞌa ne posa mei Jerusalem balugna kmana naikno nei kamel te fodu ka glepo te famane sisiri kelidi, famane thina, nei kmana gol. Kate mei te filoni mae Solomon na, naꞌa ne ghusna ka mana.

Ululahu Kings 10:2 ပူးပေါင်းရင်းမြစ်များ

Mae Khuru 25:23

Ka keha narane na, mae Agripa ghe greghagna Benis ne ruma ka nafnakno ka suga biꞌo mala fate na, eghuteuna naiknore ghatho tahudi fara repa ne edi kmana glepo ranghidi repa leghuni nodi kastom thedi na. Hatimare mae funei biꞌodi armi nei hatimare mae biꞌogna namono na eghu haghe ne gnokro baludi repa. Eghuteuna mae Festas ne chekedi hatimare mae soldiare mala hata meini mae Pol.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Thoutonu Eigna Mae Job 4:2

“Job, iagho ginauna tirou jame te cheke iara ka iagho na? Nu iara na cheke eghu.

Fapea Kings 20:13

King Hesekaea ne keli tagna fara kate filodi naikno igre, eghuteuna mana ne fakakhana ka mare nogna dedei, nogna silva, gol, khuromu, oel nei nogna glepo mala magra teure. Mare ne filodi gobigna lepo te au ka suga gna mana re, nei jaola filodi gobigna lepo te au ke lamnagna nogna kantri mana na.

Fapea Kings 5:9

Aonu king kuruni mae Naman ne tei filoni mae profet. Mana ne tei balu hose nei chariot ne tei snoto ke ulugna nogna suga mae Elisa na.

Fapea Kings 5:5

Eghuteuna king gna Siria igne ne cheke eghu, “Uve, iara ginauna rioriso kaisei letas mala hata tei iagho ka king gna Israel.” Mae Naman hata nogna letas king igne, eghuteuna mana ne hata thilo gobi phiatutu kilo silva, eghuteuna fitusalei kilo gol, eghuteuna nabotho famane pohe eghu ne tei balugna.

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Eksodas 25:6

oliv oel mala juta, sitha mala gahu insens, nei oel blahi mala taofidi mae pris,

Jenesis 18:33

Kate cheke te gnafa balugna mae Ebraham na, Lord jifla ne tei kokoni mae Ebraham. Eghuteuna mae Ebraham neke pulo ka namono na.

Ululahu Kings 10:3

Mae Solomon ne cheke tughudi ne gnafa nogna ghusna naꞌa re. Theo kaisei glepo te ninhigrana ka king te rurutha gaoghatho gna na.

Profet Isaia 30:6

Igne nogna nonomho Lord eidi glepo te tautagu te au Negev ke mata Juda. Lord neke cheke eghu, “Namono nagou igne fodu ka lion nei ka mogo te faghughumhu eghu tagna. Mae te mala hata nonomho igre mare luja nodi dedei nei glepo te keli teure ka dongki nei kamel mala tei ka vido igne. Mare hata tei glepo igre jateula namha eghu ka kantri Ijep te theome toghodi kolho mare igne.

Profet Esikiel 27:22

“ ‘Mae bisnis ka kantri Seba baludi mae bisnis ka namono Rama mae igre ei bisnis balumu iagho, naugna mare foli glepo keli ka iagho ka famane thina, nei gol, nei insens mala lilisei oel mala famane sisiri.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.