Ululahu Kings 10:18 - Buka Blahi Ka Cheke Holo

¹⁸ King ne horo kaisei sape nafnakno biꞌo langau. Sape nafnakno igne lalaoni ka kheꞌi elefant nei ka famane gol.

Ululahu Kings 10:18 ပူးပေါင်းရင်းမြစ်များ

Nodi Khoje Hatimare Mae Jiu 45:8

Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Ululahu Kings 10:22

Eghuteuna King Solomon au nogna kmana vaka biꞌo mala luja kago te loku baludi nogna vaka King Hiram. Vaka igre tangomana te tei faligoho nabagna thilo finogha. Eghuteuna mare ke pulo mei baludi silva, gol, kheꞌi elefant, mongki nei thua nafnata nanghaji.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Thakle 18:12

Tifa na mare foifoli gol, silva, famane thina, buli, famane pohe te vegha, te pipito, nei te ukru. Pohe igre biꞌo fara silenidire. Mare foifoli thua nafnata gaju te famane fara nei thua nafnata glepo teke hohoro ka khe'i elefant nei teke hohoro ka nafnata gaju te ulu fara. Mare fofoli bras, aean, nei famane thina mabol.

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Profet Emos 6:4

Ghotilo thuru ka famane sape te keli, nei ima ghemi famane nafnahi buluka nei sipu eghu te majaghani.

Profet Esikiel 27:6

Mare neke horo nou gorha iagho re, ka famane gaju funudi Basan, eghuteuna mare neke horo nou dek iagho na, ka gaju saepras funudi ka moumolu Saepras, eghuteuna lalaoni nou dek iagho na ka kheꞌi elefant.

Nodi Khoje Hatimare Mae Jiu 122:5

Agne Jerusalem, hatimare mae king te mala fate ghita tahati na.

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Ululahu Kings 22:39

Keha glepo teke edi King Ehab, nei keha glepo teke lalaoni mana lamna suga ka khe'i elefant, nei thoutonu eigna namono biꞌo teke bara teke lithui mana ka thina igre, eghu mare neke rioriso soru ka Buka Eidi Glepo Teke Edi Hatimare Mae King Di Israel.

Ululahu Kings 10:19

Sape nafnakno igne au namno step te mala haghe tagna na, eghuteuna au nabotho phei mumuju lion te kegra sopa ka phei khukrudi namno step igre. Ka thagrugna ke kligna na famane kokomo. Ka phei philegna re au vido mala vage khame, eghuteuna phei mumuju lion kegra fei nheta nei fei mairi. Theo kaisei king ka nauthoglu igne te eni sape nafnakno biꞌo jateula King Solomon teuna.