Ululahu Kings 10:11 - Buka Blahi Ka Cheke Holo

¹¹ (Nogna vaka King Hiram na, mana jaola ne hata mei gol funu Ofia. Funu jare mare hata ne mei kmana famane thaba te kiloni mare almug, balu famane thina.

Ululahu Kings 10:11 ပူးပေါင်းရင်းမြစ်များ

Nodi Khoje Hatimare Mae Jiu 45:9

Thudi gaꞌase hatimare mae king te kegra haghe ka suga te au teu iagho na baludi goro krupe te fnakno nanghadi. Kuin te kegra fei nhetamu kate gnokro teu iagho ka sape nafnakno. Naꞌa te lalaoni ka thua nafnata glepo teke hohoro ka famane gol ka kantri Ofa.

Fapea Kronikols 8:18

Ka narane tuare, King Haeram ne fatei keha vaka ka King Solomon baludi keha kapten nei kru eghu, mae iheire te lase loku ka vaka. Mare tei ka kantri Ofia hata neke pulo mei baludi nabotho namno thogha kilo gol ne tufa ka King Solomon.

Fapea Kronikols 2:8

“Iara lasedi fara nou mae gloku iagho ra mare lase kato thaba Lebanon. Eghume iara magnahaghei nigho iagho te famei keha famane thaba ka gaju sida, gaju paen nei gaju almug. Nogu mae gloku iara igre tangomana te ari loku baludi nou mae gloku iagho ra.

Ululahu Kings 10:12

King Solomon ne hata thaba almug ne horo lada ka nogna Sugablahi Lord na, nei nogna suga biꞌo thegna na. Mana jaola ne hata thaba mala horo thua nafnata gita mala koje ka Sugablahi na. Ke leghugna igne, theo kaisei naikno hata te mei Israel nafnata thaba almug igne.)

Thoutonu Eigna Mae Job 22:24

Jame te lilisei iagho nagnafa magnahaghei sileni na, iagho koko tei nou famane gol na lamna khoꞌu biꞌo.

Ululahu Kronikols 1:23

mae Ofia, mae Havila, nei mae Jobab.

Fapea Kronikols 2:7

“Iara magnahaghei nigho iagho te famei kaisei mae te lasedi fara te edi thua nafnata glepo ka gol nei silva, nei bras, nei aean, nei lase susuki thotoghale ka pohe te kakarha, ba te ukru, ba te ngonge. Iara magnahaghei mae ihei te lase horo mumuju nei thotoghale ka gol ne bras nei thina. Mana tangomana te loku baludi nogu mae gloku iara igre ka nohi Juda nei ka namono biꞌo Jerusalem. Mae gloku igre lasedi fara te edi thua nafnata gloku, eghuteuna mae kmagu iara na la vahidihi mare.