Ululahu Kings 1:53 - Buka Blahi Ka Cheke Holo

⁵³ Eghuteuna King Solomon kurudi keha mae gloku ne tei hata fadeleini mae Adonaeja ka olta na. Kate mei ke ulugna mae Solomon na, mae Adonaeja ne pogho soru pari. Aonu king ne cheke eghu, “Iagho jifla tei ka nou suga na.”

Ululahu Kings 1:53 ပူးပေါင်းရင်းမြစ်များ

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Ululahu Kings 2:36

Aonu King Solomon ne fatei cheke ka mae Simei mala mei filoni mana. Kate mei mana na, King ne cheke eghu ka mana, “Iagho na horo kaisei suga Jerusalem mala au fabrahu iagho tagna. Eghuteuna iagho thosei jifla kokoni namono biꞌo igne.

Ululahu Kings 1:31

Kate nomhini Batseba cheke igne, naꞌa pogho soru ke ulugna king ne cheke eghu, “King, iagho nogu funei iara, iagho king fabrahu tifa tifa!”

Ululahu Kings 1:16

Batseba pogho soru ne fafnaknoni king. Eghuteuna king ne ghusna eghu ka naꞌa, “Iagho magnahaghei keha unha glepo?”

Fapea Samuel 14:28

Mae Absalom ne au phei finogha Jerusalem. Nu ke lamnadi phei finogha igre mana theome tei filoni king.

Fapea Samuel 14:24

Nu king ne cheke eghu, “Mae Absalom gne ginauna na theome mei au ka nogu suga iara igne. Iara theome magnahaghei te filodi tathagna nei foflogna teu manare.” Aonu mae Absalom pulo mei neke au kolho ka nogna suga na, eghuteuna mana ne theome tei filoni king.

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Ululahu Kings 1:52

Aonu mae Solomon ne cheke eghu, “Uve, iara na theome eni kaisei glepo te diꞌa ka mana jame te thofno leghu ghau iara mana na. Nu jame te eni mana puhi te diꞌa na, mana ginauna lehe.”

Ululahu Kings 2:1

Kate namo lehe na, mae Devet ne cheke eghu ka mae Solomon, mae thugna na,

Fapea Samuel 14:33

Aonu mae Joab tei ne filoni mae king ne chekedi ka mana unha te chekedi mae Absalom igre. Ke leghugna igne, king ne kiloni mae Absalom ne tei filoni mana. Mae Absalom tei ne pogho soru pari ke ulugna king, aonu kate kegra haghe mana na, king ne gnanghoni mana.