Ululahu Kings 1:52 - Buka Blahi Ka Cheke Holo

⁵² Aonu mae Solomon ne cheke eghu, “Uve, iara na theome eni kaisei glepo te diꞌa ka mana jame te thofno leghu ghau iara mana na. Nu jame te eni mana puhi te diꞌa na, mana ginauna lehe.”

Ululahu Kings 1:52 ပူးပေါင်းရင်းမြစ်များ

Ululahu Samuel 14:45

Nu mae soldia gre ne cheke faheta eghu ka mae Sol, “Sei! Mae Jonatan gne neke togho ghita neke uluni tahati magra ginei ia! Faꞌunha lehe si mana gnea? Ghehati thofno cheke kate tutuani ka nanghagna Lord mae ihei te karha te tifa, eigna theome tangomana kaisei naikno nate faleheni mana na. Neuba kaisei khakla ikoi ka phaꞌu gna mana na, theome tangomana kaisei naikno nate rathu koko na. Glepo teke eni mana ginei ia, God neke toghoni mana.” Ka cheke igre, mae soldia gre ne fakarhini mae Jonatan.

Fapea Samuel 14:11

Nu naikno biꞌo igne ne cheke eghu, “King, iara magnahaghei nigho iagho te cheke faheta ka nanghagna God, nou Lord mala thosei faleheni keha thugu iara na. Tutuani, ka noda vetula tahati na, vikegu iara igre tangomana te faleheni thugu iara na mala ke tughu fapulo najafra teke eni mana na. Nu iagho thosei snakreni igne mala faleheni mare thugu iara na.” Aonu king ne cheke eghu, “Ka nanghagna Lord mae ihei te karha te tifa, iara cheke kate tutuani ka iagho, theo ihei nga nate habo lao te faleheni thumu iagho na.”

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Proveb 21:12

God mae ihei te doglo fara na filo glanidi naikno te diꞌare, eghuteuna mana ginauna paradi mare.

Thoutonu Eigna Mae Job 15:22

Mana gaoghathogna na mana theome tangomana te rikhani narane te ninhigrana eghu. Eghuteuna mana jaola laseni mare ginauna faleheni mana.

Mae Khuru 27:34

Gognaro na iara tore ghami fara ghotilo mala ghamu, naugna ghotilo magnahaghei te karha teu. Filo si ghotilo, theo kaisei ka ghotilo nate fiti chochoghei nakarhagna na.”

Luku 21:18

Nu neuba ngau, theo kaisei glepo ka igre nate thofno goigoni ghami ghotilo na.

Matiu 10:30

Filo si ghotilo, God na kafe lase ghami ghotilo hui jateula mana te kafe lasedi niha khakla te au ka phaꞌumi ghotilo re

Ululahu Kings 1:51

Keha mae tei ne cheke eghu ka King Solomon, “Mae Adonaeja na mhaghu nigho iagho la tei loku ka olta na la cheke eghu, ‘Cheke ka King Solomon mala nhaꞌa cheke ka iara gognarogne mala thosei falehe ghau iara.’ ”

Ululahu Kings 1:53

Eghuteuna King Solomon kurudi keha mae gloku ne tei hata fadeleini mae Adonaeja ka olta na. Kate mei ke ulugna mae Solomon na, mae Adonaeja ne pogho soru pari. Aonu king ne cheke eghu, “Iagho jifla tei ka nou suga na.”