Ululahu Kings 1:47 - Buka Blahi Ka Cheke Holo

⁴⁷ Eghuteuna noda mae biꞌo te gnafa tahati ra kafe tei filoni King Devet, ne cheke eghu ka mana, ‘Ghehati thofno gleale'a fara! God ginauna tusu ranghini nafnakno biꞌo thumu Solomon. Eghuteuna nogna nolaghi mana na rheta fara salaꞌuni nou nolaghi iagho na.’ Aonu King Devet thuru neu ka sape na ne cheke fakelini God.

Ululahu Kings 1:47 ပူးပေါင်းရင်းမြစ်များ

Ululahu Kings 1:37

Lord ginauna au balugna Solomon mala toghoni mana, jateula teke eni mana ka iagho ia eghu. Eghuteuna nogna nolaghi mana na ginauna rheta salaꞌuni nou nolaghi iagho na.”

Jenesis 47:31

Aonu mae Jekop neke cheke eghu fapulo, “Iagho nhaꞌa cheke ka iara kate thofno tutuani fara te mala eni iagho igne na.” Kate eni te gnafa mae Josep u nhaꞌa cheke igne, mae Jekop ne thuru soru ka nogna sape na.

Hibru 11:21

Mae Jekop jaola ne fatutuani ni God. Naugna igne, kate namo lehe na mana fablahidi phei thugna mae Josep. Kau narane tuana mana ne loku ka nogna khodo na ne cheke fakelini God.

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Fapea Samuel 21:3

Aonu king Devet ne kilo meidi maedi Gibeon igre, ne cheke eghu ka mare, “Iara magnahaghei te fadoglini glepo te diꞌa teke eni mae Sol ka ghotilo tifa igne. Unha nate eni iara te mala fadoglini najafra igne na te mala chekeni ghotilo kaisei fablahi ka ghehati nogna naikno Lord igre?”

Fapea Samuel 8:10

Mana thofno kelitagna fara ne kuruni Joram mae thugna na ne tei cheke fakelini King Devet. Naugna Toi kmana fatahi te magra balugna King Hadadesa. Ka narane igne mae Joram hata ne mei keha namha ka mae Devet, gol, silva nei bras.

Eksodas 12:32

Atha nomi sipu, nanigot, nei buluka teu are mala jifla Ijep. Nu toreni Lord ghotilo eghu mala fablahi ghau iara Mana.”