Ululahu Kings 1:34 - Buka Blahi Ka Cheke Holo

³⁴ Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Ululahu Kings 1:34 ပူးပေါင်းရင်းမြစ်များ

Ululahu Kings 1:25

Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’

Fapea Samuel 15:10

Nu mae Absalom kurudi keha mae mala hata tei nogna cheke mana igre ka vike te gnafadi Israel. Nogna cheke mana igre, “Kate nomhini ghotilo naoglagna khufli na, ghotilo eha eghu fabiꞌo, ‘Mae Absalom na la kegra king Hebron!’ ”

Ululahu Samuel 10:1

Aonu mana ne hata kaisei botol oliv oel ikoi ne tofa ka phaꞌugna mae Sol, gnafa teuna mae Samuel ne gnanghoni mae Sol ne cheke eghu ka mana, “Lord neke vahi nigho iagho mala king nei mala batudi naiknodi Israel.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Fapea Kings 9:13

Mare ghosei ne fasukha nodi pohe brahu re ne pakra soru ke parigna mana mala kegra mana ke klignadi. Eghuteuna mare ne eha eghu fabiꞌo, “Jehu na mae King!”

Fapea Kings 9:3

Eghuteuna iagho tofa oel igne ka phaꞌugna mana na, eghuteuna iagho cheke eghu ka mana, ‘Igne unha te chekeni Lord na, iara vahi nigho iagho mala king gna Israel.’ Eghuteuna iagho tora grengatha na faghose rikha, thosei ofo!”

Ululahu Kings 19:16

Eghuteuna iagho tofa oel ka phaꞌugna mae Jehu, thugna mae Nimsi mala king gna Israel. Eghuteuna iagho tofa oel ka phaꞌugna mae Elisa, thugna mae Safat maegna Abel-Mehola, fablahini mana mala profet ke tughu nigho iagho.

Fapea Samuel 5:3

Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Ululahu Samuel 16:3

Eghuteuna iagho ginauna kiloni mae Jesi mala mei ka fafara igne. Iara ginauna falalase ka iagho mae ihei ka thugna mana igre nate fablahi iagho te mala king na.”

Fapea Kings 11:14

Jare naꞌa ne filoni mae king majaghani te kegra teu rhegna khegra biꞌo gna Sugablahi na. Igne nogna vido mala au mae king ka nodi kastom mare na. Hatimare mae komanda ne kegra faligohoni mana. Eghuteuna naiknore ne kelitadi fara ne kafe eha fabiꞌo balu kufli. Aonu Kuin Atalaea diꞌanagnafa gna fara ne rerheku nogna pohe na ne eha eghu, “Majora! Majora!”

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Profet Isaia 45:1

Lord neke vahinihi mae Saeras mala kaisei mae king biꞌo. Lord neke vahini mana mala magra hatidi keha kantri are, nei mala hata fadelei nodi nolaghi keha mae king are, nei mala roꞌe soru baradi nodi namono biꞌo mare re. Lord neke cheke eghu ka King Saeras,

Nodi Khoje Hatimare Mae Jiu 89:36

Vikegna mana na ginauna na theome tangomana te ari te khusu na. Uve, mare ginau au fabrahu jateula naprai te au fabrahu ka maloa na ana eghu mala king fabrahu.

Nodi Khoje Hatimare Mae Jiu 89:20

Iara ngala teke tofa oel blahi na ka phaꞌugna nogu mae gloku Devet. Uve, igne fagaglanagna te vahini mana te mala king na.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Fapea Kronikols 23:11

Jehoada baludi mae thugna re batuni ne mei Joas, thugna King Ahasaea igne ne nhaꞌa lao nogna khepi nafnakno king na ka mana. Eghuteuna mare ne tusu lao ka mana kaisei buka nogna Vetula God ka mana. Pris Jehoada baludi thugna mana re eghu ne tofa oel ka phaꞌugna mae Joas. Mare ne eha eghu fabiꞌo, “Iagho king fabrahu!”

Fapea Kings 9:6

Eghume mae Jehu kegra haghe ne tei ruma ka suga na. Mae profet igne ne tofa oel ka phaꞌugna mae Jehu na ne cheke eghu, “Igne unha te chekeni Lord nodi God mae Israel na, ‘Iara vahi nigho iagho mala nodi king nogna naikno Lord Israel.

Fapea Samuel 2:4

Aonu maedi Juda igre tei Hebron ne tofa oel ka phaꞌugna mae Devet na mala nodi king naiknodi Juda. Aonu mae Devet ne nomhidi naiknodi Jabes Gilead te giugilui thinigna King Sol.

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Ululahu Kings 1:35

Aonu ghotilo ke kafe pulo mei agne balugna mana. Eghuteuna mana ginauna gnokro ka nogu sape nafnakno iara igne mala tughu ghau iara, naugna iara neke vahini mana mala king frunidi Israel ghe Juda.”

Ululahu Kings 1:39

Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”