Ululahu Kings 1:25 - Buka Blahi Ka Cheke Holo

²⁵ Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’

Ululahu Kings 1:25 ပူးပေါင်းရင်းမြစ်များ

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Ululahu Kings 1:19

Adonaeja falehe kmana buluka, sipu nei sua buluka te blokha eghu mala fafara. Eghuteuna mana kilodi pris Abiata, nou komanda iagho mae Joab, nei thumu te gnafa iagho ra eghu ne tei ghamu ka fafara igne. Nu mana theome kiloni Solomon mala tei baludi mare.

Ululahu Kings 1:9

Kaisei narane mae Adonaeja ne tei fafara ka Thina Mogo, rhegna glokha khoꞌu En-Rogel. Ka vido igne, mana ne falehe sipu, buluka nei sua buluka te blokha mala fafara. Eghuteuna mana kilodi mae thabusigna thegna re, baludi hatimare mae biꞌodi Juda te loku ranghini king, mala tei ghamu ka fafara igne.

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Fapea Kronikols 23:11

Jehoada baludi mae thugna re batuni ne mei Joas, thugna King Ahasaea igne ne nhaꞌa lao nogna khepi nafnakno king na ka mana. Eghuteuna mare ne tusu lao ka mana kaisei buka nogna Vetula God ka mana. Pris Jehoada baludi thugna mana re eghu ne tofa oel ka phaꞌugna mae Joas. Mare ne eha eghu fabiꞌo, “Iagho king fabrahu!”

Ululahu Kronikols 29:21

Ka keha narane na, naiknore ne falelehe kaisei thogha buluka nalhaꞌudi, nei kaisei thogha sipu nalhaꞌudi, nei kaisei thogha sipu ikodi mala gahu faknoro mala fafara. Mare ne fafara waen ka Lord. Eghuteuna mare ne aknu falehe kmana buluka, sipu, nei nanigot mala fafara fagaglana gna te mala au ka pharikeli balugna Lord.

Ululahu Kronikols 29:13

Gognarona ghehati tegio nigho iagho nomi God, eghuteuna ghehati cheke fakelini nanghamu iagho na.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Fapea Samuel 16:16

Eghuteuna mae Husae kheragna fofodu mae Devet igne ne tei filoni mae Absalom ne eha eghu fabiꞌo, “Iagho king fabrahu! Iagho king fabrahu!”

Matiu 22:4

“Aonu mae funei na neke kurudi keha mae gloku. Mana ne cheke eghu ka mare, ‘Chekedi mae teke kilodi iara ra, naugna gaghamu gne la tarabanahi. Iara falelehehi buluka te keli ra te mala ima na. Gobigna lepore la tarabanahi. Mei ka gaghamu tholaghi gne.’

Ululahu Kings 1:24

ne cheke eghu, “Nogu funei, iagho teke chekeni mae Adonaeja te mala king tughu nigho iagho te mala gnokro ka nou sape nafnakno iagho na tekuna?

Ululahu Kings 1:39

Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”

Ululahu Kings 2:15

Mana ne cheke eghu, “Uve, ulu lahu na naikno te gnafa Israel igre neke ghatho ghau iara te mala king gna Israel. Nu unha te ghathoni thegna Lord na tela king mae thabusigu iara igne, theome iara.

Fapea Kings 9:13

Mare ghosei ne fasukha nodi pohe brahu re ne pakra soru ke parigna mana mala kegra mana ke klignadi. Eghuteuna mare ne eha eghu fabiꞌo, “Jehu na mae King!”

Fapea Kings 11:14

Jare naꞌa ne filoni mae king majaghani te kegra teu rhegna khegra biꞌo gna Sugablahi na. Igne nogna vido mala au mae king ka nodi kastom mare na. Hatimare mae komanda ne kegra faligohoni mana. Eghuteuna naiknore ne kelitadi fara ne kafe eha fabiꞌo balu kufli. Aonu Kuin Atalaea diꞌanagnafa gna fara ne rerheku nogna pohe na ne eha eghu, “Majora! Majora!”