Ululahu Kings 1:20 - Buka Blahi Ka Cheke Holo

²⁰ Nogu funei, iaghou king na, eghuteuna naikno te gnafa Israel igre filo kolho ka iagho, iagho na chekeni ihei nate tughu nigho iagho te mala king na.

Ululahu Kings 1:20 ပူးပေါင်းရင်းမြစ်များ

Profet Sekaraea 3:9

Filo! Iara Lord mae ihei te au nolaghi fateote'o igne la liliseihi kaisei thina ke ulugna Josua. Thina igne au fitu phile tagna, eghuteuna iara ginauna rioriso kaisei cheke tagna. Eghuteuna ka kaisei narane kolho, iara ginauna hata koko nakhibodi naiknogna glose igne.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Nodi Khoje Hatimare Mae Jiu 25:15

Lord, leuleghu fata na iara filo kolho ka iagho te mala togho ghau na, eghuteuna iagho ke hata fapulo ghau iara ka unha te magnahaghei goigoni ni nakarhagu iara gne.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Ululahu Kronikols 29:1

Eghuteuna King Devet ne cheke eghu ka naikno te kafe khapru mei ka mana re, “Lord neke vahini mae thugu iara Solomon mala king nei mala horo nogna Sugablahi mana na. Mana kaisei mae majaghani fara, eghuteuna mana neke theome eni kaisei gloku biꞌo jateula igne teku tifa na. Nu gloku gna Sugablahi igne ginauna biꞌo fara, naugna Sugablahi igne theome nogna suga naikno, nu nogna suga thegna God.

Ululahu Kronikols 28:10

Fanomho fakeli iagho ia, naugna Lord neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Ululahu Kings 1:19

Adonaeja falehe kmana buluka, sipu nei sua buluka te blokha eghu mala fafara. Eghuteuna mana kilodi pris Abiata, nou komanda iagho mae Joab, nei thumu te gnafa iagho ra eghu ne tei ghamu ka fafara igne. Nu mana theome kiloni Solomon mala tei baludi mare.

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”