Ululahu Kings 1:2 - Buka Blahi Ka Cheke Holo

² Aonu nogna mae ofisa mana re ne cheke eghu ka mana, “King, ghehati ginauna tei hironi kaisei gaꞌase majaghani mala mei au balumu iagho, mala reireghi nigho. Naꞌa ginauna mei thuru rhemu iagho mala theome reka iagho.”

Ululahu Kings 1:2 ပူးပေါင်းရင်းမြစ်များ

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Eklesiasti 4:11

Eghuteuna ka vido te reka na, phia mare na thuru fodu mala theome reka. Nu jame mae te thuru sopa na, mana na reka kolho.

Jenesis 16:5

Aonu Sarai ne cheke eghu ka mae Ebram, “Hega gne gognaro na theome keli ranghi ghau iara, eghuteuna igne u nakhibomu iagho! Tutuani, iara ngala teke snakreni nogu naikno gloku na ka iagho na. Nu gognaro na naꞌa la laseni te bukla thegna na, la filo fapari ghau iara eigna naꞌa ne naikno ke keli gu iarai eghu ka gaoghathogna! Eghume te magnahagheni iara na Lord ginauna na vahi meini ihei gne te doglo ka tapa na.”

Fapea Samuel 12:3

Nu mae te kuma igne, mana au kaisei nogna sua sipu gaꞌasegna kolho. Mana foli sipu igne ne tathaji fakeli. Eghuteuna sipu igne au ka nogna suga na ne ghilei biꞌo haghe baludi thugnare. Leuleghu fata na mana tufa ghegna ganore ka sipu igne, eghuteuna sipu igne koꞌu ka nogna kapu mana na. Eghuteuna mae te kuma igne bebeꞌe koba sua sipu igne jateula kaisei thugna gaꞌase eghu.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Fapea Kronikols 29:11

Kheraguro! Ghotilo fanomho ka nogu cheke iara igre! Na glahu glaꞌe soru ghotilo. Lord neke vahi ghami ghotilo mala gahu insens ka mana, nei batudi nogna naikno mana re mala pogho soruni mana.”

Ululahu Kings 1:1

King Devet gognarona thono khuekuꞌe fara, eghuteuna neuba nogna mae glokure ne totokuni ka blanket mana theome tangomana te brana kolho.

Ululahu Kings 1:3

Aonu mare ne tei ka namono te gnafa Israel igre ne ghilei filoni kaisei famane gaꞌase majaghani nanghagna na Abisag, ka namono Sunem, eghuteuna mare hata ne mei gaꞌase igne ka King Devet.

Nogna Buka Esta 2:2

Aonu keha mae te mala toghoni king igre ne tei gnokro rhegna mana ne cheke eghu ka mana, “King, jame te keli na iagho filodi keha famane gaꞌase majaghani te theo kaisei mae te thuru teu baludi.