Ululahu Kings 1:12 - Buka Blahi Ka Cheke Holo

¹² Jame te magnahaghei fakarhini iagho nakarhamu na, nei nakarhagna thumu Solomon gne teuna,

Ululahu Kings 1:12 ပူးပေါင်းရင်းမြစ်များ

Mae Khuru 27:31

Nu mae Pol ne cheke eghu ka mae funei biꞌodi hatimare mae armi nei hatimare mae soldia, “Te theome au kmu teu mae boskru gre ka vaka gne, God ginauna na theome fakarhi ghami ghotilo.”

Matiu 21:38

“Kate filoni mare meigna thugna mana na, mare ne cheke eghu fari thedi, ‘Igne thofno thugna mae khoto nagare ia. Mei ghotilo mala falehe nodani, mala ke khotogna theda nagare igne!’

Profet Jeremaea 38:15

Jeremaea ne cheke eghu ka mana, “King, jame te chekeni iara unha glepo te tutuani na, iagho ginauna falehe ghau iara. Eghuteuna jame te tusu ari iara famane cheke te mala togho nigho iagho na, iagho ginauna tirou fanomho.”

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Proveb 11:14

Kantri te theome fanomho ka farirhiu na, kantri igne ginauna groꞌe dofini. Nu kantri te fanomho ka kmana farirhiu na, kantri igne ginauna kegra heta.

Fapea Kronikols 22:10

Kate laseni Kuin Atalaea, idogna King Ahasaea gna Juda te lehe thugna na, naꞌa ne funu aknu falehedi vikegna king gna Juda.

Fapea Kronikols 21:4

Kate tughuni mana mae kmagna na te funei fruni rheta mana Juda na, mana ne aknu falehe namno mae thabusigna thegnare, eghuteuna mana jaola ne aknu falehe keha mae biꞌodi Juda.

Fapea Kings 11:1

Kate filoni Kuin Atalaea, idogna King Ahasaea gna Juda, te lehe thugna na, naꞌa ne funu aknu falehe tharakna gna king.

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”

Jajis 9:5

Abimelek ne tei ka nogna namono kmagna na Ofra. Eghuteuna ke kligna gna kaisei thina jare, mana ne aknu falehe fitusalei thabusigna mana, thugna mae Jerub-Baal. Ka narane tuana, Jotam thugna leghu lahu Jerub-Baal kolho te theome lehe na naugna mana ne poru.

Jenesis 19:17

Kate hata fajifladihi ke kosigna namono na, kaisei engel na ne cheke eghu, “Faghose rikha, na eghunu lehe ghotilo eghu. Thosei filo faleghu ba thosei gnokro e gnafa ka sare pari ana. Rikha tei ka thogele holo igro, na eghunu lehe ghotilo eghu.”

Ululahu Kings 1:13

te keli na iagho faghose tei filoni king gognarola. Iagho tei cheke eghu ka mana, ‘Nogu funei nei nogu king, iagho neke nhaꞌa chekehi ka iara eigna thuda Solomon igne te mala king ke leghumu iagho na. Eghume ne faꞌunha si teke la King Adonaeja gognarognea?’