Ululahu Kings 1:1 - Buka Blahi Ka Cheke Holo

¹ King Devet gognarona thono khuekuꞌe fara, eghuteuna neuba nogna mae glokure ne totokuni ka blanket mana theome tangomana te brana kolho.

Ululahu Kings 1:1 ပူးပေါင်းရင်းမြစ်များ

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Ululahu Kronikols 23:1

Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.

Fapea Samuel 5:4

Ka narane te king mae Devet igne, mana tolufulu finogha funu karhagna. Aonu mana ne king nabagna phiatutu finogha.

Jenesis 24:1

Mae Ebraham gne gognaro na la kueku'e farahi, eghuteuna Lord neke fablahini mana ka puhi te gnafa igre.

Jenesis 18:11

Mae Ebraham ghe Sera gre la kafe naikno biꞌohi. Eghuteuna narane te mala karha sua Sera na la salaꞌuhi.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Fapea Samuel 24:25

Aonu mae Devet ne babana jare kaisei nogna olta Lord. Eghuteuna mana fafara buluka te gahu te knoro ka khaꞌaghi, nei fafara te mala au ka pharikeli balugna Lord. Aonu Lord ne cheke tughudi nodi tharai naiknore, eghuteuna theo kaisei naikno gna Israel te lehe ka fogra te thono diꞌa fara igne.

Ululahu Kings 1:2

Aonu nogna mae ofisa mana re ne cheke eghu ka mana, “King, ghehati ginauna tei hironi kaisei gaꞌase majaghani mala mei au balumu iagho, mala reireghi nigho. Naꞌa ginauna mei thuru rhemu iagho mala theome reka iagho.”

Ululahu Kings 1:15

Aonu Batseba tei ne filoni king ka sapegna na, naugna mana thono kuekuꞌe farahi. Eghuteuna Abisag thaugna Sunem igne ne reireghi fakelini mana.

Eklesiasti 4:11

Eghuteuna ka vido te reka na, phia mare na thuru fodu mala theome reka. Nu jame mae te thuru sopa na, mana na reka kolho.

Josua 13:1

Kate kueku'ehi mae Josua na, Lord ne cheke eghu ka mana, “Iagho la kueku'ehi gognarona, nu kmana vido gloseu te theome atha nga teu ghotilo na.