Ululahu Jone 5:3 - Buka Blahi Ka Cheke Holo

³ Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Ululahu Jone 5:3 ပူးပေါင်းရင်းမြစ်များ

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Fapea Jone 1:6

Te namhani God tahati na, tahati na edi unha te chekedi mana re. Eghuteuna mana neke cheke ranghi ghita funu tifa mala fari namhai.

Ululahu Jone 2:3

Te leghuni tahati unha te magnahaghei God na, tahati thofno laseni mana.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Letas Teke Riso Tei Mae Pol Ka Khiloau Rom 7:12

Eghume, u nogna vetula God gne thono blahi fara, eghuteuna cheke te gnafa ka vetula na igre jaola blahi nei doglo nei keli eghu.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Nodi Khoje Hatimare Mae Jiu 119:140

Iara magnahagheni fara nou nhaꞌa cheke iagho na, naugna u nhaꞌa cheke igne thofno tutuani fara!

Nodi Khoje Hatimare Mae Jiu 119:45

Eghuteuna iara snagla nogu fara ke ulumu iagho, naugna iara ne leghudi nou cheke iagho re.

Diutronomi 5:10

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Fapea Kings 18:6

Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.