Ululahu Jone 5:19 - Buka Blahi Ka Cheke Holo

¹⁹ Tahati lasenihi tahati goro thugna God nu mae Satan funei fruni nauthoglu tongana gne.

Ululahu Jone 5:19 ပူးပေါင်းရင်းမြစ်များ

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 5:13

Iara riso ari letas igne ka ghotilo naikno te fatutuani ni Thugna God ra. Iara riso ari ka ghotilo mala laseni gognaro ghotilo te hatini thofno karha na.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Ululahu Jone 5:10

Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Ululahu Jone 5:18

Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Luku 4:6

Mae Satan ne cheke eghu ka mae Jisas, “Iara ginauna na snakre ari ka iagho gobigna lepo te keli fara ka nauthoglu na igre. Naugna God neke snakre meihi ka iara gobigna lepo igre, eghuteuna gognaro iara tangomana te tusu lao ka ihei te magnahagheni iara na.

Jone 17:15

Iara theome tore nigho iagho mala atha fajifladi kau nauthoglu igne. Nu iara tore nigho iagho mala reireghi fakelidi mare kau nogna nolaghi mae Satan.

Ululahu Jone 5:15

God fanomho ka tahati leghu fata kate tore tahati na. Eghume tahati laseni mana tusu ranghi ghita glepo te toreni tahati ka mana na.