Ululahu Jone 5:18 - Buka Blahi Ka Cheke Holo

¹⁸ Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Ululahu Jone 5:18 ပူးပေါင်းရင်းမြစ်များ

Ululahu Jone 3:9

Ihei te thugna God na mana theome tapla jafra fabrahu ka nakhibo, naugna God tusu ranghini mana nakarha majaghani. Eghume mana theome tangomana te tapla jafra fabrahu ka nakhibo na, naugna mana kaisei thugna God.

Ululahu Jone 5:4

Ihei te thugna God na, mana fatutuani ni mae Jisas. Eghume mana au nolaghi mala tapla soruni puhigna nauthoglu igne.

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Jone 15:9

“Iara namha ghami ghotilo, jateula ngau mae Mama te namha ghaula iara. Eghume, ghotilo au fabrahu balugu iara, mala tangomana iara te namha ghami ghotilo na.

Nodi Khoje Hatimare Mae Jiu 119:101

Iara theome magnahaghei te leghuni puhi te diꞌa na naugna iara magnahaghei te leghuni kolho chekemu iagho na.

Nodi Khoje Hatimare Mae Jiu 18:23

Mana laseni te theome eni iara kaisei najafra na. Iara fiofilo fakelini nathaplagu na, glahula eni iara kaisei najafra.

Nodi Khoje Hatimare Mae Jiu 17:4

Iara theome cheke diꞌa jateula te edi keha naikno are eghu. Iara leghuni nou cheke iagho na, eghume iara theome jateula naikno te kuru magra nei gnognoro teu gre te eni puhi te diꞌa na.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Ululahu Jone 4:6

Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Nodi Khoje Hatimare Mae Jiu 39:1

Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Jone 15:4

Eghume ghotilo au fabrahu balugu iara, eghuteuna iara ginauna au fabrahu balumi ghotilo. Grege te au thegna sopa na theome tangomana te ure na, naugna ne theome au fodu kau gaju gna na. Ghotilo na jateula tuana eghu te theome au ghotilo balugu iara na. Eghuteuna ghotilo theome tangomana te ure themi na.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Nodi Khoje Hatimare Mae Jiu 119:3

Naikno igre theome eni kaisei najafra, nei leghuni fabrahu kolho thofno puhigna Lord na.

Matiu 5:37

Eghume, kate nhaꞌa cheke na ghotilo, chekeni ngala te ‘Uve, iara na eniu’ ba ‘Theo, iara na theome eni tuana.’ Jame te cheke salaꞌui ghotilo na, u nafnata nhaꞌa cheke tuana neke mei funugna ka mae Satan.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Jone 5:15

God fanomho ka tahati leghu fata kate tore tahati na. Eghume tahati laseni mana tusu ranghi ghita glepo te toreni tahati ka mana na.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Levitikas 11:37

Jame glepo tautagu igne lehe ne khoko soru ka kaisei nafnata khatu mala joꞌu, khatu igre klinou ka tathagu iara na.