Ululahu Jone 5:17 - Buka Blahi Ka Cheke Holo

¹⁷ Najafra fateote'o kafe nakhibo hui. Nu jare keha nakhibo theome nabagna te mala au ka glehe fei tifa na.

Ululahu Jone 5:17 ပူးပေါင်းရင်းမြစ်များ

Ululahu Jone 3:4

Ihei te tapla jafra ka nakhibo na, mana huhughuni fara nogna vetula God na, naugna nakhibo na huhughuni vetula na.

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Jemes 1:15

Eghuteuna gaoghatho te diꞌa na, kotu haghe ka nakhibo. Kate biꞌo haghegna nakhibo na jateula sisi eghu. Eghuteuna sisigna nakhibo na, u glehe ngala.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 5:32

Aonu mae Moses ne cheke eghu, “Ghotilo mala faghuai eghu te mala edi gobigna lepo teke chekedi Lord, nomi God ka ghotilo ra. Ghotilo mala thofno leghudi vetula igre.