Ululahu Jone 5:16 - Buka Blahi Ka Cheke Holo

¹⁶ Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Ululahu Jone 5:16 ပူးပေါင်းရင်းမြစ်များ

Profet Jeremaea 11:14

“Jeremaea, iagho thosei taraidi naikno igre, eghuteuna iagho thosei tanhi mei ka iara ka nanghadi mare. Iagho thosei tore ghau iara mala toghodi mare, naugna iara ginauna na theome fanomho ka narane te eha mei mare ka vido te thoke mei ka mare puhi biꞌo igne.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Luku 12:10

Eghuteuna ihei te cheke fapari ghau iara mae teke mei funu ka God, God tangomana te hata fadeleidi nakhibogna mana re. Nu ihei te cheke fadiꞌani nogna gloku Tharunga te Blahi na, God ginauna theome hata fadeleidi nakhibogna mana re.

Profet Jeremaea 14:11

Aonu Lord ne cheke eghu ka iara, “Jeremaea, iagho thosei tore ghau iara mala toghodi naikno igre mala au fakeli.

Profet Jeremaea 7:16

Lord ne cheke eghu ka mae Jeremaea, “Jeremaea, iagho thosei tore ka iara mala toghodi naikno igre. Iagho thosei tanhi nei eha fabiꞌo eghu ka iara, naugna iara ginauna na theome fanomho ka iagho.

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Profet Esikiel 22:30

“Kate diꞌatagu fara iara te tarabana te mala goigonini glose igne na, iara fariuriu hironi nafnata mae ihei nate tangomana teke babana fapulo gringnigna namono igne, mala fanogridi mae naoka te magnahaghei mei goigonini namono igne. Nu iara theome filoni kolho kaisei mae.

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Fapea Timoti 4:14

Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.

Ululahu Samuel 12:19

Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Ululahu Jone 5:17

Najafra fateote'o kafe nakhibo hui. Nu jare keha nakhibo theome nabagna te mala au ka glehe fei tifa na.