Ululahu Jone 5:11 - Buka Blahi Ka Cheke Holo

¹¹ Igne unha te chekeni God ka tahati na: God tusu ranghi ghita karha fei tifa, eghuteuna karha igne mei balugna Thugna.

Ululahu Jone 5:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 4:9

God fatakle nogna namha na ke lamnada kate kuru mei kaisei thofno Thugna ngala ka nauthoglu gne mala fakarhi ghita.

Jone 1:4

Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore.

Ululahu Jone 5:10

Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Jone 19:35

Iara, mae teke kegra tekeu jare na, iara filodi glepo igre ne fatutuani ne toutonudi. Unha te chekedi iara igre thofno tutuani fara, theome chaghi. Eghuteuna iara toutonudi glepo igre mala fatutuani ni ghotilo mae Jisas Kraes.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Jone 5:26

Uve, u thofno karha na mei funu ka thegna mae Mama. Eghume mae Mama neke snakreni ka iara mae Thugna na mala tufa u karha tuana ka ihei te nomhi ghau nei leghu ghau teu iara na.

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.

Ululahu Jone 5:7

Thiloi igre mala cheke eigna mae Jisas:

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Fatilo Jone 1:12

Naiknore te chekei na mae Demitrias gne kaisei mae keli fara. Eghuteuna unha te chekeni naiknore tutuani fara. Ghehati jaola cheke fakelini mana, eghuteuna ghotilo laseni unha te chekeni ghehati na tutuani fara.

Jone 12:50

Eghuteuna te laseni iara na karha fei tifa na mei ka unha te chekedi mae Mama igre. Eghume unha mala chekedi iara ka ghotilo teku mae Mama re te chekedi iara igre.”

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Jone 4:4

Aonu, mana neke sala'u ka nabrou fei Provins Samaria.

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.