Ululahu Jone 5:10 - Buka Blahi Ka Cheke Holo

¹⁰ Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Ululahu Jone 5:10 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Galesia 4:6

Eghuteuna te mala laseni tahati te goro thugna God na, mana neke kuru mei Tharunga gna Thugna na mala au ke lamnada. Eghuteuna Tharunga na ne eha eghu, “Mama, Mama.”

Jone 3:33

Nu mae ihei te fatutuanidi unha te chekedi mana re, mana fatakleni unha te chekeni God na thofno tutuani fara.

Jone 5:38

Eghuteuna chekegna mana re theome au ka nagnafami ghotilo re, naugna ghotilo ne theome fatutuani ghau iara mae teke kuru mei mae Mama gne.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Ululahu Jone 1:10

Te chekeni tahati, “Tahati theo kaisei nakhiboda teuna”, tahati chaghi nei kiloni God kaisei mae chaichaghi naugna mana chekenihi tahati kafe tapla jafra ka nakhibo. Eghuteuna u chekegna God na theome au ke lamnada.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Thakle 2:28

Naugna nolaghi teke tusu mei mae Mama ka iara igne, iara jaola nake tusu lao ka mare. Eghuteuna iara ginauna jaola tusu lao ka mare u Nathunu Rane igne.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Thoutonu Eigna Mae Job 24:25

“Cheke igre tutuani fara, theome chaichaghi! Eghume nogu cheke iara igne theome tangomana kaisei naikno nate chekeni ne tharu maei kolho teuna.”

Profet Jeremaea 15:18

Naugna unha ne kabru fabrahu si iara gnea? Thubugu iara igne ginauna theome ke keli fapulo. Naugna unha site theome gleale'a iara gnea? Iara magnahaghei nigho iagho te togho ghau iara, nu iagho jateula kaisei khoꞌu ba kaisei glokha te krango ra eghu.”

Jone 3:18

Tutuani fara, mae ihei te fatutuani ni mae Thugna God na, God na theome fate faleheni mana. Nu mae ihei te theome fatutuani na, God la kulu fate falehenihi mana naugna mana ne theome fatutuani ni mae thofno Thugna God kaisei ngala.

Galesia 4:1

Iara magnahaghei te chekeni ka ghotilo igne: Jame kaisei sua ikoi fara, mana theome tangomana te funei frunidi gobigna lepo mala nogna mana teku mae kmagna na. Ulu lahu na, mana kaisei nanaba ngala baludi mae glokure.

Mae Khuru 8:37

Mae Filip ne cheke eghu ka mana, “Jame te fatutuani iagho ka nagnafamu fateote'o na, iagho tangomana.” Mae biꞌo na ne cheke eghu, “Iara fatutuani Jisas na thofno Thugna God!”