Ululahu Jone 4:6 - Buka Blahi Ka Cheke Holo

⁶ Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Ululahu Jone 4:6 ပူးပေါင်းရင်းမြစ်များ

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Ululahu Jone 4:4

Uve thuguro, ghotilo nogna God, eghuteuna ghotilo tapla sorudihi mae profet chaichaghi gre, naugna mae Tharunga te Blahi te au balumi ghotilo na au nolaghi fara uluni mae Satan, mae ihei te au ka naikno te leghuni puhigna nauthoglu gne.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Ululahu Korin 14:37

Jame kaisei mae ghathoni ka gaoghathogna na mana kaisei mae profet, ba nogna nolaghi Tharunga te Blahi na au ka mana, mana mala laseni eigna unha te riso ari iara ka ghotilo igne te mei funu ka Lord.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Jone 16:13

Nu kate mei mae Tharunga te Blahi na, mana ginauna batu ghami ghotilo ka tutuani fateoteo eigna God. Mana ginauna theome cheke leghudi nogna gaoghatho thegna re. Mana ginauna chekedi kolho ka ghotilo unha teke nomhini mana na nei toutonuni ka ghotilo eigna unha nate thoke mei nathuꞌu nauriha.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.

Ululahu Jone 4:8

Ihei te theome namhadi keha naiknore theome laseni God, naugna namha na mei funu ka God.

Ululahu Timoti 4:1

Mae Tharunga te Blahi neke thono cheke fara eidi keha naiknore ginauna tei kokoni nodi fatutuani na ka narane te mei thogheiro re. Mare ginauna leghudi keha naitu te lase chaichaghi fara re, eghuteuna mare ginauna leghu dila nogna farirhiu mae Satan.

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Jone 8:19

Hatimare ne ghusna eghu ka mae Jisas, “Aheva gne mae kmamu iagho te chekeni iagho na?” Mana ne cheke eghu ka mare, “Ghotilo theome lase ghau iara nei theome laseni la mae Mama. Jame lase ghau iara ghotilo na, ghotilo jame laseni la mae Mama.”

Luku 10:22

“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”

Profet Hosia 4:12

Eghuteuna ghotilo tarai koba ka mumuju teke hohoro kolho naikno igre, mala falalase ranghi ghami gaoghathodi nomi mifire. Te chekeni koba ghotilo na, vido gaju teke hohoro ghotilo themi igre nate falalase ka ghotilo unha te magnahaghei laseni ghotilo na. Ka puhi igre te ghatho iho ghau iara ghotilo na, eghume, ghotilo jateula gaꞌase te ghatho ihoni khetogna na te snakreni thinigna na ka keha nalhaꞌu delei ra eghu. Ghotilo lisa lao ghami themi mala nogna naikno mumuju, mala funei frunidi mumuju nakarhami are.

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Letas Teke Rioriso Mae Jud 1:17

Uve kheraguro, thosei ghatho ihodi cheke teke edi hatimare nogna mae khuru noda Lord Jisas Kraes tifa ra.

Fapea Pita 3:2

Iara magnahaghe ghami ghotilo te ghathodi cheke teke edi hatimare mae profet blahi tifa ra. Eghuteuna ghotilo ghatho dila nogna cheke Lord mae ihei teke fakarhi ghita ia eghu. Ghehati mae khuru gre neke toutonunihi cheke igne ka ghotilo.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Letas Teke Riso Tei Mae Pol Ka Khiloau Rom 11:8

Igne jateula te kulu cheke kau grioriso te blahi ia, “God ne faromno gaoghathodire mala theome ghaoghatho fakeli mare. Mei thoke gognaro gne, tathadire theome tangomana te fifilo fakeli, eghuteuna khulidire theome tangomana te fanomho na.”

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Profet Maeka 2:11

Jame kaisei mae chaichaghi mei ka ghotilo ne cheke eghu, ‘Iara cheke fadoglo ka ghotilo! Na theome raugha, nomi namono ghotilo igne ginauna fodu fara ka waen nei beer,’ igne nafnata mae te kelitami fara ghotilo na.”

Jone 8:23

Mae Jisas ne cheke eghu ka mare, “Ghotilo neke karha ka nauthoglu igne kolho, eghuteuna iara theome maegu ka nauthoglu igne. Nu iara neke mei funu kligna ka God.

Jone 10:3

Eghuteuna mae greireghi grengatha na, filo glanini mana nei na tora ranghini mana. Mana na kilodi nanghadi nogna sipure, eghuteuna nogna sipu mana re na glanini naoglagna mana na. Eghuteuna mana na batu fajifladi ke kosigna bara na.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Fapea Kronikols 18:21

Eghuteuna Lord ne cheke eghu ka mana, ‘Unha nate eni iagho na?’ “Eghuteuna naitu igne ne cheke eghu, ‘Iara ginauna tei chekedi nogna profet manare mala chaghini mana.’ Eghuteuna Lord ne cheke eghu ka naitu igne, ‘Iagho tei saosagroni mana, eghuteuna mana ginauna fatutuanini nou cheke iagho na.’ ”