Ululahu Jone 4:5 - Buka Blahi Ka Cheke Holo

⁵ Mae igre nogna nauthoglu igne. Naugna igne mare cheke eigna puhigna nauthoglu, eghuteuna naiknogna nauthoglu gne fanomho ka mare.

Ululahu Jone 4:5 ပူးပေါင်းရင်းမြစ်များ

Jone 8:23

Mae Jisas ne cheke eghu ka mare, “Ghotilo neke karha ka nauthoglu igne kolho, eghuteuna iara theome maegu ka nauthoglu igne. Nu iara neke mei funu kligna ka God.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 17:16

Mare theome thofno nogna nauthoglu igne, jateula iara te theome nogna nauthoglu igne.

Jone 3:31

Mae ihei teke mei funu kligna na, mana mae ke biꞌo laodi mae te gnafare. Mae ihei teke karha mei ka nauthoglu igne na mana nogna nauthoglu kolho, eghuteuna mana tangomana te cheke eidi kolho glepo gna nauthoglu igne. Nu mae ihei teke mei funu kligna na, mana mae ke biꞌo laodi mae te gnafare.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Nodi Khoje Hatimare Mae Jiu 17:4

Iara theome cheke diꞌa jateula te edi keha naikno are eghu. Iara leghuni nou cheke iagho na, eghume iara theome jateula naikno te kuru magra nei gnognoro teu gre te eni puhi te diꞌa na.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Profet Maeka 2:11

Jame kaisei mae chaichaghi mei ka ghotilo ne cheke eghu, ‘Iara cheke fadoglo ka ghotilo! Na theome raugha, nomi namono ghotilo igne ginauna fodu fara ka waen nei beer,’ igne nafnata mae te kelitami fara ghotilo na.”

Profet Jeremaea 29:8

Ghotilo thosei fanomho ka nodi cheke mae profet chaichaghi nei mae khaekae teu te au balumi ghotilo ka kantri Babilonia. Ghotilo thosei fanomho ka nodi mifi mae tuare.