Ululahu Jone 4:21 - Buka Blahi Ka Cheke Holo

²¹ Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Ululahu Jone 4:21 ပူးပေါင်းရင်းမြစ်များ

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Ululahu Jone 3:11

Igne vetula te nomhini ghotilo tifa na: Tahati mala fari namhai.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Galesia 5:14

Eigna nogna vetula te gnafa mae Moses re khaputu ka cheke igne kolho, “Namhani kheramu fofodu na jateula iagho te namha nigho themu eghu.”

Jone 15:12

Igne nogu vetula iara na: Fari namhai jateula ngau iara te namha ghami ghotilo gne eghu.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Luku 10:37

Aonu mae velepuhigna vetula nogna mae Moses igne ne cheke eghu, “Mae te toghoni mana igne.” Mae Jisas ne cheke eghu ka mana, “Eghume, iagho jateula teke eni mana tuana eghu tei toghodi naiknore!”

Ululahu Jone 4:11

Uve kheraguro, eigna God namha ghita jateula igne teuna, tahati jaola nabada te fari namhai.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Matiu 5:43

Mae Jisas jaola neke cheke eghu, “Ghotilo la nomhinihi farirhiu te cheke eghu ia, ‘Namhani mae kheramu fofodu na, eghuteuna tirouni nou mae naoka na eghu.’

Ululahu Jone 2:7

Uve kheraguro, iara theome riso ari ka ghotilo kaisei vetula majaghani. Nu vetula te nomhihi ghotilo funu tifa ia kolho.