Ululahu Jone 4:20 - Buka Blahi Ka Cheke Holo

²⁰ Jame kaisei naikno cheke eghu, “Iara namhani God,” nu tirognani kheragna fofodu na teuna, mana kaisei mae chaichaghi. Eigna mana theome tangomana te namhani God, mae ihei mana te theome filoni, jame te theome namhani mana mae kheragna fofodu na, mae ihei mana te filoni.

Ululahu Jone 4:20 ပူးပေါင်းရင်းမြစ်များ

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Ululahu Jone 2:9

Neuba ihei ka ghotilo ne cheke eghu, “Iara auhi ka naphae!” nu te tirognani mana mae kheragna fofodu na, mana au ngala kate romno fabrahu ghilei posa gognaro.

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Ululahu Jone 2:4

Jame kaisei naikno cheke eghu, “Iara laseni God!” nu theome leghuni chekegna God teuna, mana kaisei mae chaichaghi. Eghuteuna cheke tutuani na theome au ke lamnagna mana.

Ululahu Jone 2:11

Nu ihei te tirognani kheragna fofodu na, mana au kate romno, nei theome laseni aheva te tei na naugna gromno na fadofuni mana.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Ululahu Jone 1:6

Eghume te chekeni tahati, “Tahati gne kheragna God, nu au fabrahu meu ngala ka gromno teuna”, tahati chaghi kolho. Eghuteuna tahati theome leghuni u nabrou te tutuani na.

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Ululahu Jone 1:8

Te chekeni tahati, “Tahati theo kaisei nakhiboda teuna”, tahati chaghi ghita theda kolho, eghuteuna u tutuani na theome au ke lamnada.