Ululahu Jone 4:17 - Buka Blahi Ka Cheke Holo

¹⁷ Ka igne nogna namha na horoghoto ke lamnada mala frane tahati ka narane te mala fate ghita na. Naugna ka nauthoglu gne tahati jateula mana.

Ululahu Jone 4:17 ပူးပေါင်းရင်းမြစ်များ

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Ululahu Jone 2:5

Nu ihei te leghuni chekegna God na, tahati laseni ka nakarhagna na mana te namhani God. Ka igne tahati laseni mana te leghuni God: Ihei te chekeni ne au balugna God teuna mana nabagna te au jateula teke eni mae Jisas Kraes ia eghu.

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Jemes 2:22

Fanomho fakeli ka iara ghotilo ia. Nogna fatutuani nei nogna gloku te keli eghu teke edi mae Ebraham igre jateula kaisei glepo eghu ngala, theome soasopai glepo. Eghuteuna glepo te keli teke edi mana tuare ngala fagaglana gna nogna fatutuani biꞌo mana ka God na.

Matiu 12:36

Nu te chekeni iara ka ghotilo na, kau narane fate na, naiknore ginauna na rurutha ka God eidi nafnata cheke te theo nafudi teke chekedi thedire.

Matiu 11:24

Tutuani fara, te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Matiu 11:22

Tutuani fara, te chekeni iara ka ghotilo na, ka narane fate na God ginauna kokhonidi naiknodi Taea ghe Saedon igre ke tulaomi ghotiloi.

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Jone 17:22

Nolaghi biꞌo teke tusu mei iagho ka iara ia kela tusu laohi iara ka naiknore. Iara la tusu laohi ka mare mala kaisei ngala mare jateula tapa te kaisei gne eghu.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.