Ululahu Jone 4:15 - Buka Blahi Ka Cheke Holo

¹⁵ Ihei te fatutuani nei chekeni Jisas na Thugna God, God au balugna mana nei mana au balugna God.

Ululahu Jone 4:15 ပူးပေါင်းရင်းမြစ်များ

Ululahu Jone 5:5

Ba, ihei tangomana te tapla soruni puhigna nauthoglu igne? Uve, mae ihei ngala te fatutuani ni mae Jisas na thofno Thugna God.

Letas Teke Riso Tei Mae Pol Ka Khiloau Rom 10:9

Jame te cheke eghu iagho ke uludi naikno te gnafare, “Jisas na mae funei!” Eghuteuna te thofno fatutuani iagho ka nagnafamu na, God neke fakarha fapuloni mana kau glehe teuna, mana ginauna fakarha nigho iagho.

Matiu 10:32

“Ihei te kegra ke uludi naiknore te chekeni ne fatutuani ghau iara teuna, iara ginauna cheke eigna mana ka mae Mama kligna, mana te nogu mae gloku iara na.

Ululahu Jone 4:2

Nu jame mae ihei te cheke eghu na, “Iara fatutuani ni mae Jisas Kraes, mana mei ka nauthoglu gne neke vuhai naikno.” Ka puhi tuana, ghotilo tangomana te laseni gaoghatho teke mei funu ka mae Tharunga te Blahi na. Tutuani, gaoghatho tuana neke funu mei ka God.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Filipae 2:11

Eghuteuna mare ginauna kafe cheke eghu, “Mae Jisas Kraes na mae funei.” Eghuteuna mare ginauna kafe cheke fakelini nanghagna God Kmada.

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Ululahu Jone 2:23

Jame kaisei naikno te theome fatutuani ni Thugna na, mana theome fatutuani nila Mama. Naikno te fatutuani ni Thugna na, mana fatutuani nila Mama.

Ululahu Jone 2:24

Hati nhetami na leghuni fabrahu farirhiu teke nomhini ghotilo tifa ia. Jame leghuni fabrahu ghotilo farirhiu tuana, ghotilo ginauna na au baludi Thugna ghe Mama.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Mae Khuru 8:37

Mae Filip ne cheke eghu ka mana, “Jame te fatutuani iagho ka nagnafamu fateote'o na, iagho tangomana.” Mae biꞌo na ne cheke eghu, “Iara fatutuani Jisas na thofno Thugna God!”