Ululahu Jone 3:5 - Buka Blahi Ka Cheke Holo

⁵ Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Ululahu Jone 3:5 ပူးပေါင်းရင်းမြစ်များ

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Jone 1:2

Cheke igne thakle mei ka tahati ne vuhai naikno. Tahati neke filonihi mana, eghume ghehati toutonuni ka ghotilo eigna u karha teke au funu tifa balugna Mama, eghuteuna mana ne thakle mei ka tahati.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Ululahu Pita 1:20

Ame vuvuha nga nauthoglu igne teku na, God neke kulu vahini mae Kraes mala fakarhi ghami ghotilo. Eghuteuna gognaro na, mae Kraes na la meihi mala togho ghami ghotilo ka narane leghu lahu igre ka nauthoglu igne.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 8:46

Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Jone 1:31

Ulu lahu na iara neke theome raꞌe laseni mana, nu iara faꞌapublahidi naiknore ka khoꞌu, mala laseni mana naiknodi Israel re ginauna.”

Luku 23:47

Mae pha'u mae di hatimare mae soldia di Rom kegra neu jare ne filoni unha te eni igne. Mana ne kilo fnaknoni God, ne cheke eghu, “Tuani fara, mae igne kaisei mae doglo fara!”

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.