Ululahu Jone 3:24 - Buka Blahi Ka Cheke Holo

²⁴ Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Ululahu Jone 3:24 ပူးပေါင်းရင်းမြစ်များ

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Fapea Timoti 1:14

Taji fakelini famane farirhiu teke tusu ari God ka khamemu iagho ana. Mae Tharunga te Blahi te au ka tahati na mana ginauna togho nigho iagho mala eni igne.

Ululahu Korin 6:19

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi,

Ululahu Jone 4:7

Uve kheraguro, tahati fari namhai, naugna namha na mei funu ka God. Ihei te namha na thugna God nei laseni God.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Jone 10:38

Nu jame edi iara unha te edi mae Mama re, neubane theome fatutuani ghau iara ghotilo, ghotilo jame fatutuanidi unha te edi iara re. Aonu, ghotilo ginauna laseni mae Mama na au ke lamnagu iara, nei iara au ke lamnagna mae Mama.”

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Ululahu Jone 2:3

Te leghuni tahati unha te magnahaghei God na, tahati thofno laseni mana.

Ululahu Jone 2:5

Nu ihei te leghuni chekegna God na, tahati laseni ka nakarhagna na mana te namhani God. Ka igne tahati laseni mana te leghuni God: Ihei te chekeni ne au balugna God teuna mana nabagna te au jateula teke eni mae Jisas Kraes ia eghu.

Ululahu Jone 2:24

Hati nhetami na leghuni fabrahu farirhiu teke nomhini ghotilo tifa ia. Jame leghuni fabrahu ghotilo farirhiu tuana, ghotilo ginauna na au baludi Thugna ghe Mama.