Ululahu Jone 3:23 - Buka Blahi Ka Cheke Holo

²³ Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Jone 3:23 ပူးပေါင်းရင်းမြစ်များ

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Jone 15:12

Igne nogu vetula iara na: Fari namhai jateula ngau iara te namha ghami ghotilo gne eghu.

Jone 6:29

Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Ululahu Jone 3:11

Igne vetula te nomhini ghotilo tifa na: Tahati mala fari namhai.

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Nonomho Te Keli Teke Risoi Mae Mak 9:7

Ka vido tuana kaisei gromno ne mei toku tafrudi mare. Eghuteuna thilomare ne nomhini God te cheke eghu mei funugna kau gromno na, “Igne thofno mae Thugu iara na. Iara namhani fara mana. Ghotilo fanomho fakeli ka unha te chekedi mana re!”

Matiu 22:39

Fapea vetula te biꞌo lahu jateula tuana teuna, ‘Namhani kheramu fofodu na jateula iagho te namha nigho themu eghu.’

Mae Khuru 16:31

Phiamare ne cheke eghu ka mana, “Fatutuani ni noda Lord Jisas, God ginauna fakarhi nigho nei naikno te gnafa ka tharaknamu na.”

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Jone 2:23

Kate au teu mae Jisas Jerusalem malagna u narane Gaghamu Ghasa-Polho na, kmana naikno filodi u kofubobhoi teke edi mana re ne fatutuani ni mana.

Jone 3:18

Tutuani fara, mae ihei te fatutuani ni mae Thugna God na, God na theome fate faleheni mana. Nu mae ihei te theome fatutuani na, God la kulu fate falehenihi mana naugna mana ne theome fatutuani ni mae thofno Thugna God kaisei ngala.

Ululahu Jone 2:7

Uve kheraguro, iara theome riso ari ka ghotilo kaisei vetula majaghani. Nu vetula te nomhihi ghotilo funu tifa ia kolho.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Ululahu Jone 5:13

Iara riso ari letas igne ka ghotilo naikno te fatutuani ni Thugna God ra. Iara riso ari ka ghotilo mala laseni gognaro ghotilo te hatini thofno karha na.