Ululahu Jone 3:16 - Buka Blahi Ka Cheke Holo

¹⁶ Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Ululahu Jone 3:16 ပူးပေါင်းရင်းမြစ်များ

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Letas Teke Riso Tei Mae Pol Ka Khiloau Rom 16:4

Repa theome mhaghuni glehe kate loku heta mala togho ghau iara na, eghuteuna iara cheke fakelidi repa. Eghuteuna nodi khiloau hatimare mae te theome Jiu jaola cheke fakelidi repa.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Filipae 2:30

Naugna mana neke namo lehehi ka teke loku ranghini mae Kraes na. Mana neke theome mhaghuni glehe na kate ke togho ghau iara ka gloku te theome tangomana ghami ghotilo te eni na.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Ululahu Tesalonika 2:8

Naugna ka nomi namha biꞌo ranghi ghami ghotilo ia ghehati keli tami fara te falase ari ka ghotilo Nonomho te Keli eigna mae Jisas Kraes. Theome tuana kolho. Nu ghehati jaola keli tami mala lehe eimi ghotilo.

Ululahu Jone 2:9

Neuba ihei ka ghotilo ne cheke eghu, “Iara auhi ka naphae!” nu te tirognani mana mae kheragna fofodu na, mana au ngala kate romno fabrahu ghilei posa gognaro.

Fapea Korin 4:12

Neuba ghehati namo lehe koba kate toutonuni u Nonomho te Keli igne, ghotilo tangomana te hatani u thofno karha na.