Ululahu Jone 3:14 - Buka Blahi Ka Cheke Holo

¹⁴ Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Ululahu Jone 3:14 ပူးပေါင်းရင်းမြစ်များ

Ululahu Jone 5:2

Faꞌunha ne laseni tahati, tahati te namhadi thugna God re? Tahati laseni igne naugna tahati namhani God nei leghudi nogna vetulare.

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Hibru 13:1

Namhadi fabrahu kherami naikno khiloau are.

Jone 15:12

Igne nogu vetula iara na: Fari namhai jateula ngau iara te namha ghami ghotilo gne eghu.

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Kolose 1:4

Ghehati cheke fakelini God naugna nomhini nomi fatutuani biꞌo ka mae Jisas Kraes nei namhadi nogna naikno God te gnafare.

Efesus 1:15

Eigna igne, iara theome gnafa te cheke fakelini God eimi ghotilo na. Tutuani, leuleghu fata na iara tangomana te ghatho ghami ka nogu tharaire funu ka narane te nomhi ghami iara te fatutuani ni ghotilo Lord Jisas nei nomhi ghami ghotilo te thofno namhadi nogna naikno te gnafa God re.

Ululahu Jone 5:13

Iara riso ari letas igne ka ghotilo naikno te fatutuani ni Thugna God ra. Iara riso ari ka ghotilo mala laseni gognaro ghotilo te hatini thofno karha na.

Jone 15:17

Eghume igne nogu vetula biꞌo iara te tusu ari ka ghotilo na: Fari namhai!”

Ululahu Jone 2:3

Te leghuni tahati unha te magnahaghei God na, tahati thofno laseni mana.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Nodi Khoje Hatimare Mae Jiu 16:3

Nogna naikno God ka nauthoglu igne thofno keli fara. Iara thofno keli tagu fara te au nogu baludi mare.

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Luku 15:24

Naugna mae thugu iara gne neke lehehi, nu gognarona kela karha fapulo. Mana neke snivihi nu gognarona kela thakle mei ka tahati!’ Aonu, hatimare ne ghamu ne gleale'a fodu.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Luku 7:5

Naugna mae biꞌodi hatimare mae armi igne thono namha ghami ghehati fara neke babana nomi suga tharai ghehati na.”