Ululahu Jone 3:12 - Buka Blahi Ka Cheke Holo

¹² Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Ululahu Jone 3:12 ပူးပေါင်းရင်းမြစ်များ

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Jenesis 4:25

Kaisei fata mae Adam ghe Ivi neke au kaisei thudi nalhaꞌu. Aonu Ivi ne cheke eghu, “God kela tusu mei ka iara keha sua teke toreni iara te mala ke tughuni Abel teke aknu poru mae Kein tifa ia.” Aonu repa ne kiloni nanghagna thudi na Set. Gaoghathogna Set teu igne “tusu mei” eghu ka cheke Hibru.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Luku 11:51

Tutuani fara, God ginauna fate ghami ghotilo eidi glehedi mae blahi tifa ra, fufunu ka glehegna mae Ebol mei posa ka glehegna mae Sekaraea teke falehe mare rhegna olta gna nogna Sugablahi God.

Matiu 23:35

Naugna igne, God ginauna fate ghami ghotilo eigna glehedi nogna mae te doglore funu ka glehegna Abel mae te keli ia ghilei posa ka glehegna mae Sekaraea, thugna mae Barakia. Mae ku'emi ghotilo re neke faleheni mana rhegna olta na ka Sugablahi na.

Proveb 29:10

Mae te aknu poru na theome magnahaghedi naikno te keli re, eghuteuna mana fariuriu mala falehedi naikno te doglo re.

Ululahu Pita 4:4

Nu gognaro na ghotilo theome tangomana te edi nafnata puhi te diꞌa baludi iheire te theome fatutuani ni God ra. Eghuteuna mare jaglo nodi fara ka igne, eghume gognaro na mare chekedi kmana nafnata glepo te diꞌa eimi ghotilo.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Nodi Khoje Hatimare Mae Jiu 38:20

Iara eni puhi te keli na ranghidi, nu mare fapulo meini puhi te diꞌa na ka iara. Mare naoka ranghi ghau iara, naugna iara ne leghuni puhi te doglo na.

Nodi Khoje Hatimare Mae Jiu 37:12

Mae te diꞌa na gaoghatho mala eni puhi te diꞌa na ranghini mae te doglo na, nei diꞌatagna eghu ka mana.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Jone 10:32

Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Matiu 27:23

Mae Paelat neke ghusna eghui ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”

Matiu 13:38

Nauthoglu igne jateula nagare eghu. Naikno te funei frunidi God igre jateula sisi te keli eghu. Naikno te leghuni Satan igre jateula sokiaro eghu.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Matiu 5:37

Eghume, kate nhaꞌa cheke na ghotilo, chekeni ngala te ‘Uve, iara na eniu’ ba ‘Theo, iara na theome eni tuana.’ Jame te cheke salaꞌui ghotilo na, u nafnata nhaꞌa cheke tuana neke mei funugna ka mae Satan.”

Jone 8:40

Iara ngala kaisei mae te chekedi ka ghotilo u glepo te tutuani teke nomhidi iara thegu ka thegna mae God Mama re. Nu ghotilo theome magnahagheni glepo te tutuani na. Eghuteuna ghotilo fariuriu mala falehe ghau iara. Mae Ebraham na neke theome eni kaisei glepo jateula tuana neku!

Jone 8:41

Eghume, te chekeni iara ka ghotilo na, ghotilo ke edi la glepo teke edi mae kmami themi re.” Nu mae Jiure ne cheke eghu ka mana, “Ghema, ghehati theome jateula goro sua te theome laseni mae kmadi na ia eghu sia. Nu ghehati mae kmami na kaisei God ngala.”