Ululahu Jone 2:8 - Buka Blahi Ka Cheke Holo

⁸ Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.

Ululahu Jone 2:8 ပူးပေါင်းရင်းမြစ်များ

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Letas Teke Riso Tei Mae Pol Ka Khiloau Rom 13:12

Noda narane tahati ka nauthoglu gne la namo sala'uihi jateula bongi te la namo sala'u ari ia eghu. Eghuteuna narane mala ke pulo meigna mae Jisas na la namohi. Eghume tahati mala lilisei fadelei puhi te diꞌa te edi naiknore nei tarabana fabrahu mala eni kolho glepo te doglo, nabagna nogna naikno mae Jisas Kraes na.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 12:46

Iara mei jateula juta eghu mala faphaedi naikno te au ka nauthoglu igne. Eghuteuna iheire te fatutuani ghau iara re mare ginauna theome tei tafri ke lamna gromno.

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Ululahu Jone 4:11

Uve kheraguro, eigna God namha ghita jateula igne teuna, tahati jaola nabada te fari namhai.

Fapea Timoti 1:10

Nu nogna namha mana igne neke theome thakle ka tahati ghilei mei noda mae Fakarhai Jisas Kraes. Mae Jisas neke roꞌenihi nogna nolaghi glehe na, eghuteuna ka Nonomho te Keli igne, mana neke falalase ranghi ghita u nabrou te mala hatini tahati u karha te theo ka huigna na.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Profet Isaia 9:2

Naikno teke tei kate romno tifa ra ginau filoni kaisei juta biꞌo. Tifa na ghehati neke au ka vido te romno fara, nu gognarona juta igne phae mei ka ghehati iheire te au ka vido te romno.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.