Ululahu Jone 2:5 - Buka Blahi Ka Cheke Holo

^5-6 Nu ihei te leghuni chekegna God na, tahati laseni ka nakarhagna na mana te namhani God. Ka igne tahati laseni mana te leghuni God: Ihei te chekeni ne au balugna God teuna mana nabagna te au jateula teke eni mae Jisas Kraes ia eghu.

Ululahu Jone 2:5 ပူးပေါင်းရင်းမြစ်များ

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Jone 14:21

Mae ihei te nomhidi nei leghudi teu nogu vetula iara re, mae tuana ngala te namha ghau iara na. Eghuteuna mae ihei te namha ghau iara na, mae Kmagu iara na ginauna namhani mana. Eghuteuna iara ginauna namha nila mana, nei na fatakle ghau thegu ka mana.”

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.

Thakle 14:12

Eghume te thokei mei puhi igre, ghotilo nogna naikno God te leghudi nogna vetula mana ra nei fatutuani nila mae Jisas teura, ghotilo mala kegra heta fabrahu.

Ululahu Jone 5:2

Faꞌunha ne laseni tahati, tahati te namhadi thugna God re? Tahati laseni igne naugna tahati namhani God nei leghudi nogna vetulare.

Jone 15:5

“Iara jateula gaju eghu, eghuteuna ghotilo jateula grege eghu. Mae ihei te au balugu iara na, iara na au balugna mana. Mana na ure na au sisi kmana. Naugna te theome au ghotilo balugu iara na, ghotilo theome tangomana te eni kaisei glepo na.

Profet Esikiel 36:27

Iara ginauna lisa soru Tharunga te Blahi na ka ghotilo, eghuteuna iara ginauna togho ghami ghotilo mala leghudi nogu vetula iara ra, eghuteuna tajidi nogu cheke iara teke tusu ari ka ghotilora.

Ululahu Jone 4:18

Theo kaisei namhaghu ka thofno namha na. Nu thofno namha na brue fadeleini namhaghu. Eghuteuna ihei te ofoni fate na au balu mhaghu. Eghume ihei te mhaghu na, thofno namha na theome horoghoto ka mana.

Nodi Khoje Hatimare Mae Jiu 119:146

Iara kilo mei nigho fabrahu mala fakarhi ghau, mala tangomana iara te tajidi nou famane farirhiu iagho ra.

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Jemes 2:22

Fanomho fakeli ka iara ghotilo ia. Nogna fatutuani nei nogna gloku te keli eghu teke edi mae Ebraham igre jateula kaisei glepo eghu ngala, theome soasopai glepo. Eghuteuna glepo te keli teke edi mana tuare ngala fagaglana gna nogna fatutuani biꞌo mana ka God na.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Eklesiasti 8:5

Ihei te leghuni nogna cheke king na, king ginauna na theome eni kaisei puhi te diꞌa ranghini mana, eghuteuna mae ihei te autagna gaoghatho te keli na laseni thofno narane te mala fadoglidi glepo igre.

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Proveb 8:32

“Goro sua, fanomho mei ka iara. Jame te leghudi ghotilo nogu cheke iara igre na, ghotilo ginauna na kelitami fara.

Nodi Khoje Hatimare Mae Jiu 119:4

Lord God, iagho neke tusu meihi nou famane chekere ka ghehati, nei cheke ranghi ghamihi te mala leghudi u cheke igre.

Proveb 28:7

Goro sua te leghudi unha te cheke ranghidire, mare au gaoghatho te keli fara. Nu sua te fofodu ka mae te diꞌa puhidire famamajadi idogna kmagna re.

Nodi Khoje Hatimare Mae Jiu 105:45

Mana neke eni igne ka nogna naiknore mala leghudi mare nogna vetulare. Eghuteuna mare ne leghudi nogna farirhiu mana re. Tahati kilo fnaknoni Lord!

Ululahu Jone 4:17

Ka igne nogna namha na horoghoto ke lamnada mala frane tahati ka narane te mala fate ghita na. Naugna ka nauthoglu gne tahati jateula mana.

Fapea Jone 1:6

Te namhani God tahati na, tahati na edi unha te chekedi mana re. Eghuteuna mana neke cheke ranghi ghita funu tifa mala fari namhai.