Ululahu Jone 2:29 - Buka Blahi Ka Cheke Holo

²⁹ Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.

Ululahu Jone 2:29 ပူးပေါင်းရင်းမြစ်များ

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Jone 1:13

Naugna mare theome karha mei jateula sua te karha mei ka dadaradi idogna ghe kmagna ra eghu, nu thegna God ngala kmadi na.

Ululahu Jone 4:7

Uve kheraguro, tahati fari namhai, naugna namha na mei funu ka God. Ihei te namha na thugna God nei laseni God.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Ululahu Jone 5:4

Ihei te thugna God na, mana fatutuani ni mae Jisas. Eghume mana au nolaghi mala tapla soruni puhigna nauthoglu igne.

Mae Khuru 10:35

Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Fapea Pita 1:4

Ka puhi igne mana neke tusu ranghi ghita glepo te keli fara teke nhaꞌa cheke ranghi ghita. Eigna ka glepo igre tahati au noda nolaghi te mala rikhadi nodi nafnata puhi te diꞌa naiknogna nauthoglu igne. Eghuteuna tahati na tangomana te salofodu ka nakarhagna nei puhigna eghu God te thofno keli fara.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Ululahu Jone 5:18

Tahati laseni ihei te thugna God na theome mala tapla jafra fabrahu ka nakhibo, naugna mae Jisas Thugna God na reireghi fakelini mana, eghuteuna mae Satan theome tangomana te habo lao ka mana.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Hibru 7:2

Aonu ka narane tuana mae Ebraham ne fofota gobigna lepo teke hata ka magra re, mana ne tufa ka mae Melkisedek fabothodi glepo tuare. Eghuteuna gaoghathogna u nangha Melkisedek teu igne. Ulu lahu na, “Mae king gna puhi te doglo.” Fapea na, “Mae king gna pharikeli.” Naugna nanghagna namono mana na kiloi “Salem”, ba “Pharikeli”.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Jone 7:18

Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.