Ululahu Jone 2:28 - Buka Blahi Ka Cheke Holo

²⁸ Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Ululahu Jone 2:28 ပူးပေါင်းရင်းမြစ်များ

Ululahu Jone 4:17

Ka igne nogna namha na horoghoto ke lamnada mala frane tahati ka narane te mala fate ghita na. Naugna ka nauthoglu gne tahati jateula mana.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Ululahu Jone 3:21

Uve kheraguro, jame theome fate ghita nagnafada na, tahati theome tangomana mhaghu te mei ka God.

Kolose 3:4

Thofno nakarhada na jifla mei ka mae Kraes. Eghuteuna kate ke pulo meigna na, mana ginauna hata ghami ghotilo mala au balugna kligna, eghuteuna mana na fafnakno ghami ghotilo jare.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Ululahu Jone 5:14

Tahati thofno laseni igne, mana ginauna na nomhi ghita kate toreni tahati unha te leghuni gaoghathogna.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Letas Teke Riso Tei Mae Pol Ka Khiloau Rom 9:33

eigna God neke cheke eghu ka grioriso te blahi na, “Fanomho si ghotilo, iara ginauna lilisei haghe Saion kaisei naikno jateula kaisei thina mala faꞌukadi nei fatotokheidi naiknore. Nu ihei te fatutuani ni mana na, naikno igne ginauna theome tangomana te mamaja na.”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Ululahu Timoti 6:14

Naugna glepo teke chekedi God mala edi iagho teku ra, iagho famane leghudi ka puhi te doglo ghilei thokeni narane mala ke pulo meigna noda Lord Jisas Kraes.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Luku 17:30

“Eghume, ginauna na jateula igne eghu kate filo glani ghau iara naiknore ka narane nate thakle meigu iara na.

Efesus 3:12

Naugna tahati kaisei balugna Kraes nei tahati fatutuani ni mana, nagnafadare heta fara nei tahati theome mhaghu te mei ka God na.