Ululahu Jone 2:24 - Buka Blahi Ka Cheke Holo

²⁴ Hati nhetami na leghuni fabrahu farirhiu teke nomhini ghotilo tifa ia. Jame leghuni fabrahu ghotilo farirhiu tuana, ghotilo ginauna na au baludi Thugna ghe Mama.

Ululahu Jone 2:24 ပူးပေါင်းရင်းမြစ်များ

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Ululahu Jone 4:13

Tahati laseni tahati au balugna God nei mana au baluda tahati, naugna mana neke kuru mei tada nogna Tharunga te Blahi na.

Ululahu Jone 4:16

Eghume tahati lasenihi nei fatutuanihi nogna namha ranghi ghita. Namha na funu mei ka God. Eghume, ihei te au ka namha na au balugna God nei God au balugna mana.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Ululahu Jone 2:7

Uve kheraguro, iara theome riso ari ka ghotilo kaisei vetula majaghani. Nu vetula te nomhihi ghotilo funu tifa ia kolho.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Filipae 4:15

Ghotilo naikno khiloau Filipae ra lasenihi igne ka teke funu toutonuni iara u Nonomho te Keli na jare ia, nei ke leghugna tuana kate jifla Provins Masidonia, theo kaisei khiloau jare teke togho ghau iara na. Nu ghotilo ngala teke ghatho ghau nei togho ghau teku iara ka sileni na.

Fatilo Jone 1:3

Kate mei toutonu keha mae gloku ka khiloau gne eigna nakarhamu iagho na, iara ne gleale'a fara. Naugna te chekeni mare na, iagho thofno leghuni Nonomho te Keli eigna mae Jisas Kraes.

Fapea Jone 1:2

Uve kheraguro, ghehati namha ghami ghotilo naugna u Nonomho te Keli eigna mae Jisas Kraes te au fabrahu ka nagnafadare.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Jone 8:25

Hatimare ne ghusna eghu ka mana, “Ghema, iagho mae ihei sia?” Mae Jisas ne cheke eghu ka mare, “Iara ngala mae ihei teke chekeni thegu ka ghotilo tifa ia.

Luku 1:2

Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Luku 9:44

“Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Fapea Jone 1:9

Mae ihei lalase te tei sala'uni nogna farirhiu mae Kraes na, God na theome au ka mana. Nu mae ihei te leghuni fabrahu nogna farirhiu mae Kraes na, mae Mama ghe mae Thugna ginauna na kafe au balugna mana.