Ululahu Jone 2:2 - Buka Blahi Ka Cheke Holo

² Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Ululahu Jone 2:2 ပူးပေါင်းရင်းမြစ်များ

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Jone 12:32

Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Levitikas 16:10

Nu nanigot nate tei ka Asasel igne theome mala aknu falehe. Nanigot igne mala kegra ke ulugu iara mala hata fadelei nakhibomi ghotilore kate faririkhani mare te tei ka namono nagou na mala tei ka Asasel.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Luku 14:22

“Kate ke pulo mei mae gloku na, mana ne cheke eghu, ‘Mae funei, unha te chekedi iagho mala edi iara teku ra iara la edihi, nu kmana vido kroghau lamna suga na.’