Ululahu Jone 2:16 - Buka Blahi Ka Cheke Holo

¹⁶ Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Ululahu Jone 2:16 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Galesia 5:17

Eigna unha puhi diꞌa te magnahagheni naikno na, thofno jafra fara ka unha te magnahagheni Tharunga te Blahi na. Eghuteuna unha te magnahagheni Tharunga te Blahi na, thofno jafra fara ka puhi diꞌa te magnahagheni naikno na. Repa theome tangomana te loku fodu na, gaoghathogna igne iagho theome tangomana te eni unha te magnahaghei eni iagho themu na.

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Proveb 27:20

Mae ihei te khiridi thuagna nafnata lepo na, mana jateula nodi namono naikno te lehe te theome tangomana fodu ra eghu.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Jemes 3:15

Goghotu nei fahaehaghe teu igre theome gaoghatho mei funudi ka God. Theo! Nafnata gaoghatho te diꞌa tuare nogna naikno kolho, mei funudi ka mae Satan.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Nodi Khoje Hatimare Mae Jiu 78:18

Mare magnahaghei te fariuriuni God mala tusu ranghidi mana u gano te magnahagheni mare na.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Ululahu Pita 1:14

Tifa na ghotilo neke theome lalase, ghotilo neke leghudi kolho puhimi themi te diꞌare. Nu gognaro na ghotilo magnahaghei te leghuni God. Eghume thosei ke au ka nafnata nakarha teke au ghotilo tifa ia.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Nodi Khoje Hatimare Mae Jiu 73:6

Naugna igne, nodi fahaehaghe mare na jateula famane chen te babaꞌo mare ka graradi na are eghu, eghuteuna puhi glalama te au ka mare na jateula pohe te pipichi mare are eghu.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Luku 4:5

Aonu mae Satan ne batuni mae Jisas ne haghe ka thogele brahu na. Ka vido tuana, mae Satan ne fatakle ka mana provins te gnafa kau nauthoglu gne.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Naba 11:4

Ka vido tuana, keha naikno te diꞌare ne au baludi naiknodi Israel. Eghuteuna naikno te diꞌa igre magnahaghei te ima gano te keli, nafnata gano teke ima mare Ijep. Aonu naiknodi Israel re ne diꞌanagnafadi fara, ne funu cheke faparini Lord ne cheke eghu, “Ghehati magnahaghei te ima nafnahi sia!

Matiu 4:8

Ke leghugna igne, Satan ne hatani mae Jisas ne haghe kau khekelegna thogele te brahu na. Satan ne tathakle ka mana thuagna namono biꞌo fateo gna nauthoglu igne nei nodi nafnakno fateote'o.

Nodi Khoje Hatimare Mae Jiu 78:30

Nu kate ima teu mare gano teke magnahagheni fara mare igne na,

Naba 11:34

Aonu mare kiloni vido tuana Kibrot-Hatava. Gaoghathogna cheke Kibrot-Hatava teu igne, “Bekudi naikno te magnahaghei ghamu nafnahi fara.”

Proveb 6:25

Neuba gaꞌase igne ne famane fara thinigna na, iagho thosei lehe nou ka naꞌa. Neubane kaflo gehe naꞌa ka iagho, iagho thosei snakreni naꞌa mala ulu nigho.

Ululahu Korin 10:6

Glepo igre jateula te cheke faheta eghu ranghi ghita tahati. Tutuani, glepo igre farirhiu ghita mala thosei magnahaghedi fara tahati glepo te diꞌare jateula kuꞌeda tifa tuare eghu.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Jemes 4:16

Nu ghotilo fahaehaghe fara eidi unha edi ghotilo glepo igre. Te eni tahati nafnata cheke tuana eigna noda gloku nathuꞌu na thono jafra fara.