Ululahu Jone 2:14 - Buka Blahi Ka Cheke Holo

¹⁴ Iara riso ari ka ghotilo goro sua nalhaꞌu nei goro sua gaꞌase teura, naugna ghotilo lasenihi Mama. Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo heta fara. Eghuteuna chekegna God na au balumi nei ghotilo tapla sorunihi mae Satan.

Ululahu Jone 2:14 ပူးပေါင်းရင်းမြစ်များ

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Ululahu Jone 2:13

Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo tapla sorunihi mae Satan.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Jone 8:31

Mae Jisas ne cheke eghu ka mae Jiu te fatutuani ni mana re, “Te leghudi fabrahu ghotilo nogu farirhiu iara re, ghotilo thofno nogu mae fanomho iara.

Jone 5:38

Eghuteuna chekegna mana re theome au ka nagnafami ghotilo re, naugna ghotilo ne theome fatutuani ghau iara mae teke kuru mei mae Mama gne.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Fatilo Jone 1:3

Kate mei toutonu keha mae gloku ka khiloau gne eigna nakarhamu iagho na, iara ne gleale'a fara. Naugna te chekeni mare na, iagho thofno leghuni Nonomho te Keli eigna mae Jisas Kraes.

Fapea Jone 1:2

Uve kheraguro, ghehati namha ghami ghotilo naugna u Nonomho te Keli eigna mae Jisas Kraes te au fabrahu ka nagnafadare.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Ululahu Jone 1:10

Te chekeni tahati, “Tahati theo kaisei nakhiboda teuna”, tahati chaghi nei kiloni God kaisei mae chaichaghi naugna mana chekenihi tahati kafe tapla jafra ka nakhibo. Eghuteuna u chekegna God na theome au ke lamnada.

Jone 8:37

Iara lase ghami ghotilo thofno vikegna mae Ebraham. Nu iara lase ghami ghotilo magnahaghei te falehe ghau iara, naugna ghotilo theome magnahaghei te leghudi u nogu farirhiu iara re.

Ululahu Jone 1:1

Ghehati riso ari ka ghotilo eigna Cheke te karha fabrahu igne. Ghehati nomhinihi. Ghehati filonihi. Ghehati efranihi, nei habonihi ka khamemire. Ghehati riso ari ka ghotilo eigna Cheke te tusu meini u karha na.