Ululahu Jone 2:12 - Buka Blahi Ka Cheke Holo

¹² Iara riso ari ka ghotilo glepo igre thuguro, naugna God hata fadeleihi nakhibomire ka nanghagna mae Jisas.

Ululahu Jone 2:12 ပူးပေါင်းရင်းမြစ်များ

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Mae Khuru 13:38

“Uve, kheraguro, iara magnahaghei ghami ghotilo te lase fakelini unha te chekeni ghehati ka ghotilo eigna mae Jisas igne. God tangomana te hata fadeleidi nakhibomi ghotilo re ka mae Jisas ngala. Eghuteuna mae ihei te fatutuani ni mae Jisas na, mana ginauna doglo fara ke ulugna God. Eghuteuna God ginauna hata fadeleidi nakhibogna mana re mala snagla mana. Uve, God theome hata fadeleidi nakhibognare mala snagla mana kate leghuni kolho nogna vetula mae Moses na.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Nodi Khoje Hatimare Mae Jiu 106:8

Nu Lord neke fakakhana ka mare nogna nanheta na neke fakarhidi, leghuni nogna nhaꞌa cheke na.

Kolose 1:14

Tutuani, mae Thugna na neke foli fajifla ghita nei hata kokodi nakhibodare.

Nodi Khoje Hatimare Mae Jiu 25:11

God, leghuni sagho nou nhaꞌa cheke na hata fadeleidi nakhibogu gre, naugna nakhibogu iara gre kmana fara.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Jone 1:4

Ghehati riso ari letas igne ka ghotilo mala gleale'a fodu balumi.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Luku 5:20

Mae Jisas filoni nodi fatutuani mare na, ne cheke eghu ka mae te blughu na, “Ghema kheraguo, nakhibomu iagho re la hata fadeleihi iara.”

Ululahu Jone 2:21

Iara theome riso ari ka ghotilo naugna ne theome laseni cheke te tutuani na. Theo. Iara riso ari ka ghotilo naugna ghotilo lasenihi cheke te tutuani na, eghuteuna ghotilo lasedihi chaichaghi ghe tutuani gre theome tei fodu.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Ululahu Jone 2:7

Uve kheraguro, iara theome riso ari ka ghotilo kaisei vetula majaghani. Nu vetula te nomhihi ghotilo funu tifa ia kolho.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Ululahu Jone 1:9

Nu te cheke thakledi tahati ka God nakhibodare, mana ginauna hata fadeleidi. Tahati fatutuani ni God te eni unha te doglo na. Eghume mana ginauna na hata fadelei nakhiboda nei fagae ghita ka thua najafra fateo.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.