Ululahu Jone 2:1 - Buka Blahi Ka Cheke Holo

¹ Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Ululahu Jone 2:1 ပူးပေါင်းရင်းမြစ်များ

Ululahu Timoti 2:5

Eigna jare na kaisei God ngala. Eghuteuna kaisei nabrou ngala te tangomana naiknore te tei thoke ka God na. U nabrou tuana ka mae Jisas Kraes, mae ihei jaola te kaisei naikno.

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Ululahu Jone 4:4

Uve thuguro, ghotilo nogna God, eghuteuna ghotilo tapla sorudihi mae profet chaichaghi gre, naugna mae Tharunga te Blahi te au balumi ghotilo na au nolaghi fara uluni mae Satan, mae ihei te au ka naikno te leghuni puhigna nauthoglu gne.

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.

Jone 8:11

Naꞌa ne cheke eghu ka mana, “Funei, theo kaisei ka reꞌe.” Mae Jisas ne cheke eghu ka naꞌa, “Iara theome tangomana la te fate nigho na. Jifla tei sagho nu thosei ke eni kaisei najafra eghu!”

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Ululahu Jone 3:5

Ghotilo laseni mae Kraes neke mei mala hata fadeleidi nakhiboda, eghuteuna theo kaisei nakhibo ka mana.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Profet Esikiel 3:21

Nu jame kulu cheke faheta iagho ka mae te doglo igne me theome eni mana kaisei glepo te diꞌa meuna, nakarhagna mana na keliu kolho naugna mana ne fanomho ka nou cheke iagho na, eghuteuna nakarhamu iagho themu na jaola keliu kolho.”

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Jone 5:36

“Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.

Luku 10:22

“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Jemes 3:9

Foflo gne tahati mala cheke fakelini noda Lord God, eghuteuna tahati jaola ke cheke fadiꞌa dila keha naikno teke hohoro la God ka thotoghale gna thegna na.

Letas Teke Riso Tei Mae Pol Ka Khiloau Rom 6:15

Ka gaoghathodi u cheke teke chekedi iara ra, jame kaisei mae cheke eghu, “Gognarona tahati theome au ke parigna nogna vetula mae Moses, nu tahati au ngala ke parigna nogna khokofakasai God mala togho ghita. Eghume tahati eni fabrahu ngala nakhibo na eghu.” Cheke mana igre thofno doglo fara? Theo fara!

Jone 13:33

“Uve, thuguro, iara ginauna theome au faraugha balumi ghotilo. Iara na jifla tei koko ghami ghotilo. Ghotilo ginauna hari ghau iara, nu ghotilo na theome filo ghau iara. Jateula teke chekeni iara tifei ka goro mae biꞌodi mae Jiura eghu, eghuteuna te chekeni iara gognarona, aheva te tei iara na ghotilo ginauna theome tangomana te mei na.

Ululahu Timoti 3:14

Kate risoni letas igne, iara gaoghathogu na magnahaghei te ari filo nigho thogheiro.

Jone 21:5

Aonu, mana ne cheke eghu ka mare, “Kheraguro, ne atha keha sasa ghotilo ia?” Mare ne cheke eghu, “Theo kolho.”

Jone 14:16

Iara ginauna toreni mae Mama mala kuru meini mana ka ghotilo keha mae te mala togho ghami ghotilo, mana ginauna au fabrahu balumi ghotilo. Mana mae Tharunga te Blahi, mae ihei nate falalase glepo te tutuani eigna God na. Naikno te leghuni puhigna nauthoglu igne na, naikno tuana theome snakreni mae Tharunga te Blahi te mala mei ka mana, naugna mana ne theome laseni nei filo glanini neu mana. Nu ghotilo lasenihi mana, naugna mana au balumi ghotilo, eghuteuna mana ginauna theome tei koko ghami ghotilo.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Ululahu Jone 5:17

Najafra fateote'o kafe nakhibo hui. Nu jare keha nakhibo theome nabagna te mala au ka glehe fei tifa na.

Fatilo Jone 1:4

Iara ne thofno keli tagu fara kate nomhidi goro thugu te leghuni Nonomho te Keli gne.